திருவண்ணாமலையில் ட்ரெக்கிங் சென்ற 12 வெளிநாட்டவர் கைது

திருவண்ணாமலை மலையில் ட்ரெக்கிங் செல்ல முயன்ற வெளிநாட்டவர் 12 பேர் கைது செய்யப்பட்டுள்ளனர்.

தேனி மாவட்டம் குரங்கணியில் கடந்த மார்ச் மாதம் 36 பேர் ட்ரெக்கிங் சென்றனர். அங்கு ஏற்பட்ட காட்டுத் தீயில் சிக்கி 22 பேர் பரிதாபமாக உயிரிழந்தார்கள். இதையடுத்து ட்ரெக்கிங் செல்வதற்கு அரசு கடும் கட்டுப்பாடுகளை விதித்துள்ளது.

இந்த நிலையில் இந்தியாவுக்கு ஆன்மிக சுற்றுலா வந்திருந்த வெளிநாட்டவர் 12 பேர் திருவண்ணாமலை மலையில் ட்ரெக்கிங் செல்ல முயன்றுள்ளனர். இதுதொடர்பான தகவல் வனத்துறை அதிகாரிகளுக்கு கிடைத்தது. இதையடுத்து அவர்கள் நேரில் சென்று வெளிநாட்டவர்களை தடுத்து நிறுத்தி கைது செய்தனர். பின்னர் அவர்களிடம் விவரங்கள் பெறப்பட்டு அனைவரும் விடுவிக்கப்பட்டனர்.