மதுபோதையில் இருந்த மாணவர்கள் ரயிலை கவனிக்க தவறிவிட்டதாக போலீசார் தெரிவித்துள்ளனர். (Representational)
கோவையில் ஒரே கல்லூரியை சேர்ந்த மாணவர்கள் 4 பேர் ரயில் மோதி பலியான சம்பவம் பெரும் பரபரப்பை ஏற்படுத்தி உள்ளது.
புதன்கிழமையன்று இரவு கல்லூரி அருகே மது அருந்திய 5 மாணவர்கள், பின்னர் ரயில்வே தண்டவாளத்தில் பேசிய படி நடந்து சென்றுள்ளனர்.
அப்போது, அந்த வழியாக வந்த ஆலப்புழா - சென்னை செல்லும் அதிவிரைவு ரயில் மாணவர்கள் மீது மோதியதில் நான்கு பேரும் சம்பவ இடத்திலேயே பரிதாபமாக உயிரிழந்தனர். மேலும், ஒரு இளைஞர் படுகாயங்களுடன் தீவிர சிகிச்சை பெற்று வருகிறார்.
இதுதொடர்பாக போலீசார் கூறும்போது, உயிரிழந்த 4 பேரும், 21 முதல் 23 வயதுடையவர்கள் ஆவார்கள். ஒரே கல்லூரியை சேர்ந்த மாணவர்கள் என்றும், மதுபோதையில் தண்டவாளத்தில் நடந்த சென்றதே விபத்திற்கு காரணம் என போலீசார் தெரிவித்துள்ளனர்.