தீப்பிடித்த கப்பல்கள் மீது தண்ணீரை பாய்ச்சி மீட்பு கப்பல் தீயணைக்கிறது
ரஷ்யா அருகே கப்பல்கள் தீப்பிடித்து விபத்துக்குள்ளானதில் இந்தியர்கள் 6 பேர் உயிரிழந்துள்ளனர். தீப்பிடித்த கப்பலில் சிக்கித் தவித்த 4 இந்தியர்கள் மீட்கப்பட்டுள்ளனர்.
இந்த தகவலை மத்திய வெளியுறவு அமைச்சகம் உறுதி செய்திருக்கிறது. ரஷ்யா கடல் பகுதியில் 2 எரிபொருள் கப்பல்கள் நடுக்கடலில் எரிபொருளை மாற்றிக் கொண்டிருந்தன.
இதில் 15 இந்தியர்கள், லிபியா, துருக்கி நாட்டை சேர்ந்தவர்கள் என மொத்தம் 32 பேர் இருந்தனர். இந்த நிலையில் எரிபொருள் கசிவு ஏற்பட்டு கப்பல்கள் இரண்டும் தீப்பிடித்து எரிந்தது.
முதலில் வானிலை சரிவர இல்லாததால் மீட்பு பணியில் சிக்கல் ஏற்பட்டது. பின்னர் மீட்பு பணிகள் நடந்தன. இந்த சம்பவத்தில் மொத்தம் 6 இந்தியர்கள் உயிரிழந்தனர். 4 பேர் மீட்கப்பட்டிருக்கின்றனர்.