நசுங்கி போனதால் உடல்களை வாகனத்தில் இருந்து மீட்க போலீசார் சிரமப்பட்டனர்.
வேலூர் அருகே ஏற்பட்ட விபத்தில் சிக்கி குழந்தை உள்பட மொத்தம் 7 பேர் உயிரிழந்தனர்.
வேலூர் அருகே கர்நாடக பதிவு எண் கொண் கார் ஒன்று சென்று கொண்டிருந்தது. அதில் 3 ஆண்கள், குழந்தை உள்பட 7 பேர் இருந்தனர்.
இந்நிலையில், ஆம்பூர் நெடுஞ்சாலையில் சென்று கொண்டிருந்தபோது நிறுத்தி வைக்கப்பட்டிருந்த சரக்கு லாரி மீது கார் மோதியது. வேகம் அதிகமாக இருந்ததால் கார் சரக்கு லாரிக்கு அடியில் சென்றது.
இந்த சம்பவத்தில் காரில் இருந்த 7 பேர் உயிரிழந்தனர். அவர்கள் மகாராஷ்டிராவை சேர்ந்தவர்களாக இருக்கலாம் என போலீஸ் தரப்பில் தெரிவிக்கப்படுகிறது.
உடல்கள் நசுங்கியதால் அவற்றை மீட்பதில் போலீசாருக்கு சிரமம் ஏற்பட்டது. இதுசம்பந்தமாக வழக்குப்பதிவு செய்யப்பட்டு விசாரணை நடந்து வருகிறது.