கபீர் சிங் படத்தில் ஷாகித் கபூர்.
தெலுங்கில் மெகா ஹிட்டான அர்ஜுன் ரெட்டி இந்தியில் கபீர் சிங் என்ற பெயரில் ரீ மேக் செய்யப்பட்டுள்ளது. இந்தப் படம் 5 நாட்களில் ரூ. 104.90 கோடியை வசூலித்துள்ளது. இந்த தகவலை பிரபல சினிமா ஆய்வாளர் தரண் ஆதர்ஷ் தெரிவித்துள்ளார்.
இந்தியில் கபீர் சிங்கும், அவருக்கு ஜோடியாக கியாரா அத்வானியும் நடித்துள்ளனர். முன்னதாக சல்மான் கான் நடித்த பாரத் திரைப்படம் 4 நாட்களில் ரூ. 100 கோடி வசூலை பெற்றிருந்தது.
இதற்கு அடுத்த படியாக கபீர் சிங் 5 நாட்களில் ரூ. 100 கோடி வசூலை தாண்டியிருக்கிறது. இதற்கு அடுத்த இடத்தில் 7 நாட்களில் ரூ. 100 கோடியை வசூலித்த கேசரி திரைப்படம் உள்ளது. இதில் ஹீரோவாக அக்சய் குமார் நடித்திருக்கிறார்.
ரன்வீர் சிங்கின் கல்லிபாய் 8 நாட்களிலும், அஜய் தேவ்கானின் டோட்டல் டமால் 9 நாட்களிலும் ரூ. 100 கோடியை வசூலித்திருந்தது.
ஒரிஜினல் திரைப்படமான தெலுங்கு அர்ஜுன் ரெட்டி கடந்த 2017-ல் வெளியாகி மாபெரும் வெற்றியை பெற்றது. தற்போது இந்த திரைப்படம் தமிழில் ஆதித்யா வர்மா என்ற பெயரில் உருவாக்கப்பட்டு வருகிறது. இதில் ஹீரோவாக நடிகர் விக்ரமின் மகன் துருவ் நடித்து வருகிறார்.