Bigg Boss Tamil 3 Elimination: கட்டிலை உடைத்த பற்றி முகேனுடனான (Mugen) கேள்வி, 'இது நட்புதானா?' என அபிராமியின்(Abirami) விவாதம், கஸ்தூரியுடன்(Kasthuri) 'ஹீரோ, ஜீரோ, வில்லன்' டாஸ்க், அதற்கு அடுத்ததாக 'உங்கள் தேவதை யார்? உங்கள் வில்லன்/வில்லி யார்?' என்பதை கேட்டறியும் 'ஏஞ்சல் - டெவில்' டாஸ்க், இப்படியாகவே நேற்றைய நாள் சென்றது.
இந்த வார நாமினேஷனில் சரவணன் (Saravanan), சாக்க்ஷி (Sakshi), அபிராமி (Abirami), லாஸ்லியா (Losliya) ஆகியோர் இருந்தனர். முன்னதாக இந்த வார துவக்கத்திலேயே, எந்த ஒரு முன் அறிவிப்பும் இன்றி சரவணன் வெளியேற்றப்பட்டார். 'சரவணன் ஏன் வெளியேற்றப்பட்டார்?' என்ற கேள்விக்கு சனிக்கிழமை கமல் பதிலளிப்பார் என்றார் பிக் பாஸ். சனிக்கிழமையும் வந்தது, கமலும் வந்தார், ஆனால் அந்த கேள்விக்கான பதில் வந்ததாக தெரியவில்லை. இன்றாவது அதற்கான பதிலை எதிர்பார்க்கலாமா?
அடுத்து எளிமினேஷன். வழக்கமா, நாமினேஷனில் இருப்பவர்களில் காப்பாற்றப்பட்ட ஒருவரின் பெயரை சனிக்கிழமையே அறிவிப்பார் கமல். அப்போது எல்லாம் 5, 6 பேர் நாமினேஷனில் இருப்பார்கள். இப்போது இருப்பதே மூன்று பேர்தான், யார் காப்பாற்றப்பட்டார் என்று சொன்னால் சுவரஸ்யம் போய்விடுமே. அதனால் 'இன்று காப்பாற்றப்படும் ஒருவர் யார் என்பதை நாளை தெரிந்துகொள்ளலாம்' என்று சொல்லிவிட்டு கமல் நகர்ந்துவிட்டார்.
இன்னிலையில் பிக் பாஸின் சமீபத்திய ப்ரோமோவில், லாஸ்லியா காப்பாற்றப்பட்டார் என்பதை கமல் அறிவித்துள்ளார்.
இப்போது மீதமிருப்பது அபிராமி, சாக்க்ஷி.
ஏன் அபிராமி?
அபிராமி-முகேன், இருவரும் நெருங்கிய நட்பு வட்டாரத்திற்குள் உள்ளனர். இன்னிலையில் அபிராமி முகேனை காதலிப்பதாக கூறிவிட்டார். ஆனால், முகேன் அபிராமியிடம் நட்பாகத்தான் பழகுகிறார். இப்படியாக இருக்க முகேனில் விளையாட்டில் உள்ள ஈடுபாடு மற்றும் மற்றவர்களிடம் செலவிடும் நேரம் என்பது குறைந்துவிட்டது, அதற்கு காரணம் அபிராமிதான் என பலர் எண்ணுகிறார்கள். இந்த காரணத்திற்காக அபிராமிக்கு ஓட்டுகள் குறையலாம்.
ஏன் சாக்க்ஷி?
சாக்க்ஷியின் பிரச்னை ஊர் அறிந்ததே. ஒருவேளை சாக்க்ஷி வெளியேறினால் சாக்க்ஷி-கவினுக்கு இடையேயான பிரச்னைதான் காரணமாக இருக்கும். முன்னதாக, ஒரு பிரச்னையை பேசி சமாதானம் ஆன பிறகு, அதே பிரச்னையை சபைக்கு எடுத்து வருவதை வாடிக்கையாக வைத்திருந்தார் சாக்க்ஷி. இதன் விளைவு, வீட்டில் பல நாட்கள் இவர்கள் பற்றிய பஞ்சாயத்தாகவே இருந்தது. சென்ற வாரம் கவினுடனா பிரச்னை, இந்த வாரம் அதையே அபிராமியிடம் செய்தார். அந்த பிரச்னை வேறு மாதிரி திசை திரும்பியது. ஆனால், அதற்கு அடுத்து எந்த பிரச்னைக்கும் செல்லாமல் நல்ல பிள்ளை போலேயே இருக்கிறார் சாக்க்ஷி.
இப்படியாக இருக்க, இந்த வாரம் சாக்க்ஷிதான் வெளியேறப்போகிறார் என்று சமுக வலைதளங்களில் தகவல் பரவி வருகிறது.
நாமினேஷனில் இருப்பவர்களின் நிலை இப்படியாக இருக்க, மக்களுக்கு இன்னொரு சந்தேகம் வந்துவிட்டது. அதுதான் சீக்ரெட் ரூம். இந்த வாரம், வெளியேற்றப்படுபவர்கள் ரகசிய அறைக்குள் அனுப்பப்படுவார்களா?
வைல்ட் கார்டு போட்டியாளர் உள்ளே வந்துவிட்டார். நிகழ்ச்சியும் 50 நாட்களை தொட்டுவிட்டது.
கடந்த இரு வாரங்கள், கமல் மேடைக்கு வந்தாலே இந்த ரகசிய அறையை பற்றி பேசாமல் இருந்ததில்லை. ஆனால் நேற்றைய பிக் பாஸில் அதை பற்றி ஒரு வார்த்தையும் பேசவில்லை. இது இன்னும் சந்தேகத்தை அதிகரிக்கிறது.