தாய்லாந்து நாட்டில் 9 நாட்கள் குகைக்குள் சிக்கித் தவித்த 12 சிறுவர்கள் கண்டுபிடிக்கப்பட்டுள்ளனர்.
கடந்த ஜூன் மாதம் 23 ஆம் தேதி சிறுவர்கள் நிறைந்த ஒரு கால்பந்து அணி, தங்களது பயிற்சியாளருடன் தாய்லாந்தில் இருக்கும் சியாங் ராய் பகுதியில் உள்ள தம் லுவாங் குகைக்குச் சென்றுள்ளனர்.
அப்போது எதிர்பாராத விதமாக குகைக்குள் அவர்கள் அனைவரும் மாட்டிக் கொண்டுள்ளனர். தாய்லாந்தில் ஜூலை மாதங்களில் அடை மழை பெய்யும். இந்த நேரத்தில் தம் லுவாங் குகைக்குள் செல்வது பாதுகாப்பனதல்ல என்று கூறப்படுகிறது. ஆனால், கால்பந்து குழுவினர் சரியாக இந்த நேரத்தில் சென்றது தான் அவர்கள் உள்ளேயே மாட்டிக் கொண்டதற்குக் காரணமாக இருந்துள்ளது. சிறுவர்கள் அனைவரும் பதின் பருவத்தினர்.
class="ins_instory_dv_caption">இந்த விவகாரம் தாய்லாந்தில் மட்டுமல்ல உலக அளவில் கவனம் பெற்றது. சம்பவம் குறித்து வெளியே தெரிய ஆரம்பித்த உடன், உலகின் பல்வேறு மூலைகளிலிருந்து குகையில் சிக்கி இருப்பவர்களை மீட்பதற்கு இருக்கும் நபர்கள் சிறுவர்களைத் தேட ஆரம்பித்துள்ளது. பல நாட்டு அரசுகளும் சிறுவர்களை மீட்க நிபுணர்களை அனுப்பி வைத்தது.
இதில் சிலர், சிறுவர்களை கண்டுபிடிக்கவே பல வாரங்கள் ஆகும் என்றெல்லாம் ஆருடம் கூறினர். இந்நிலையில், தேடுதல் பணியில் ஈடுபட்டிருந்த இங்கிலாந்து நாட்டினர் நேற்று சிறுவர்கள் இருக்கும் குகையை கண்டுபிடித்தனர். அவர்களில் ஒருவர் சம்பவத்தை வீடியோவாக பதிவு செய்துள்ளார்.
வீடியோ எடுப்பவர், ‘எத்தனை பேர் இருக்கிறீர்கள்?’ என்று கேட்க, சிறுவர்கள் தங்களுக்குத் தெரிந்த ஆங்கிலத்தில் ’13 பேரும் இருக்கிறோம்’ என்றனர்.
‘எங்களுக்குப் பின்னாலேயே நிறைய பேர் வந்து கொண்டிருக்கின்றனர். கவலைபடாதீர்கள்’ என்கின்றனர். அதைத் தொடர்ந்து சிறுவர்கள், ‘மிகவும் பசிக்கிறது’ என்று கதறுகின்றனர். ‘எங்களுக்குப் புரிகிறது. நீங்கள் 10 நாட்களாக இங்கு இருக்கிறீர்கள். நீங்கள் அனைவரும் நல்ல உடல் வலுவுடன் இருக்கிறீர்கள்’ என்கிறார்.