டெல்லி புற்றுநோய் சிகிச்சை மருத்துவமனையில் இதுவரை 28 பேருக்கு கொரோனா பாதிப்பு உறுதி செய்யப்பட்டுள்ளது. அங்குள்ள மருத்துவர் ஒருவருக்கு இங்கிலாந்து சென்று திரும்பி வந்த அவரது சகோதரரிடம் இருந்து வைரஸ் பாதிப்பு ஏற்பட்டுள்ளது.
டெல்லி புற்றுநோய் மையத்தில் உள்ள மேலும் மூன்று பேருக்கு கொரோனா பாதிப்பு உள்ளது இன்று காலை தெரியவந்துள்ளது. இதில், ஒரு நோயாளி, ஒரு உதவியாளர் மற்றும் ஒரு பாதுகாப்புக் காவலர் ஆகியோருக்கு பாதிப்பு ஏற்பட்டுள்ளது.
ஏற்கனவே அந்த மருத்துவமனையில் உள்ள 3 நோயாளிகள், 3 மருத்துவர்கள் உட்பட 22 பேருக்கு கொரோனா வைரஸ் பாதிப்பு உறுதி செய்யப்பட்டது. அதைத்தொடர்ந்து, ஏப்.11ம் தேதியன்று மருத்துவமனை மூடப்பட்டது.
இவை அனைத்தும் அங்குள்ள மருத்துவரால் ஏற்பட்டுள்ளது. அந்த மருத்துவருக்கு இங்கிலாந்து சென்று திரும்பி வந்த அவரது சகோதரரிடம் இருந்து வைரஸ் பாதிப்பு ஏற்பட்டுள்ளது என சுகாதாரத்துறை அமைச்சர் சத்தியேந்தர் ஜெயின் தெரிவித்துள்ளார்.
இதைத்தொடர்ந்து, பல்வேறு புற்றுநோய் நோயாளிகளும், அந்த மருத்துவமனையில் இருந்து கொரோனா சோதனைகள் மேற்கொள்ளப்பட்டு, வேறு தனியார் மருத்துவமனைக்கு மாற்றப்பட்டுள்ளனர்.
புற்றுநோய் நோயாளிகளுக்கு ஏற்கனவே எதிர்ப்பு சக்திகள் குறைவாக இருக்கும் என்பதால், அவர்களை கொரோனா வைரஸ் எளிதில் தாக்கக்கூடிய அபாயம் உள்ளது என மருத்துவர்கள் தெரிவித்துள்ளனர்.
டெல்லியில், 1,154 பேருக்கு கொரோனா வைரஸ் பாதிப்பு ஏற்பட்டுள்ளது. மேலும், 24 பேர் உயிரிழந்துள்ளனர்.
நாடு முழுவதும், கொரோனா வைரஸ் பாதிப்புக்கு 308 பேர் உயிரிழந்துள்ளனர். கடந்த 24 மணி நேரத்தில் மட்டும், 35 பேர் உயிரிழந்துள்ளனர். மேலும், கொரோனா வைரஸால் 9,152 பேர் பாதிக்கப்பட்டுள்ளனர்.
World
India
State & District Details
State | Cases | Active | Recovered | Deaths |
---|