கடந்த மூன்று வாரங்களாக கொரோனா வைரஸ் தொற்று மிக வேகமாக பரவி வருவதாகவும், இந்த சமயத்திலும் மத்திய அரசுக்கு சொன்ன யோசனைகள் யாவும் ஏற்கப்படவில்லை என்றும் குற்றம் சாட்டியுள்ளார் காங்கிரஸ் தலைவர் சோனியா காந்தி. காங்கிரஸ் கட்சி சார்பில் நடந்தக் கூட்டத்தில் சோனியா இப்படி பேசியுள்ளார்.
மேலும் அவர் பாஜகவை கடுமையாக விமர்சித்துள்ளார். “பாஜக, மத வெறுப்பு வைரஸைப் பரப்பி வருகிறது. இந்த போக்கு ஒவ்வொரு இந்தியனுக்கும் கவலை தர வேண்டும். நாம் அனைவரும் கொரோனா வைரஸை ஒன்றாக எதிர்கொள்ள வேண்டிய இந்த சமயத்தில் இப்படி நடந்து வருவது வேதனைக்குரியது. நமது சமூக நல்லிணக்கத்துக்கு மிகப் பெரும் பாதிப்பு செய்யப்பட்டு வருகிறது. நாம்தான் அதை சரி செய்ய தொடர்ந்து செயல்பட வேண்டும்,” என்று கூறியுள்ளார் சோனியா.
மேலும் தான் பலமுறை பிரதமர் நரேந்திர மோடிக்கு கொரோனா வைரஸ் போராட்டத்தில் ஒத்துழைப்பு கொடுப்பது பற்றியும் யோசனைகளையும் வழங்கியதாகவும், ஆனால் அவை எதுவும் பெரிதாக எடுத்துக் கொள்ளப்படவில்லை என்றும் கூறினார் சோனியா காந்தி.
இறுதியாக அவர், “தற்போது கொரோனாவைத் தடுக்கும் நோக்கில் போடப்பட்டுள்ள ஊரடங்கு நடவடிக்கையானது விவசாயிகள், புலம் பெயர்ந்த தொழிலாளர்கள், அமைப்புசாரா தொழிலாளர்கள், கட்டுமானத் தொழிலாளர்கள் போன்றோரைக் கடுமையாக பாதித்து வருகிறது. வர்த்தக, வியாபார மற்றும் உற்பத்தி நிறுவனங்கள் முற்றிலும் முடங்கியுள்ளதால் கோடிக்கணக்கானோரின் வாழ்வாதாரம் கடுமையாக பாதிக்கப்பட்டுள்ளது.
மே 3 ஆம் தேதிக்குப் பிறகு நிலைமையை எப்படி சமாளிப்பது என்பது குறித்து மத்திய அரசிடம் எந்தவித தெளிவான திட்டமும் இருப்பதாக தெரியவில்லை. தற்போது விதிக்கப்பட்டிருப்பதையும் தாண்டி ஊரடங்கு உத்தரவு நீட்டிக்கப்பட்டால் அதன் விளைவுகள் அபாயகரமானதாக இருக்கும்,” என்று எச்சரித்துள்ளார்.
World
India
State & District Details
State | Cases | Active | Recovered | Deaths |
---|