ஒடிசாவை புரட்டிப்போட்ட ஃபனி புயல்: 3 பேர் உயிரிழப்பு! Live updates

ஒட்டு மொத்த நாடும், மத்திய அரசும் புயலால் பாதிக்கப்பட்ட ஒடிசா, ஆந்திர பிரதேசம் மற்றும் மேற்குவங்கம் உள்ளிட்ட மாநிலங்களின் மக்களுக்கு துணையாக நிற்கும் என பிரதமர் மோடி தெரிவித்துள்ளார்.

மேலும், அதி தீவிரப்புயல் பாதிப்பு நிவாரண நடவடிக்கைகளுக்காக பாதிக்கப்படும் மாநிலங்களுக்கு நேற்றே ரூ.1000 கோடி விடுவிக்கப்பட்டுள்ளதாக பிரதமர் மோடி தெரிவித்துள்ளார்.

ஃபனி புயல் மேற்குவங்கம் நோக்கி செல்லும் நிலையில், மேற்குவங்கத்திற்கு ரெட் அலர்ட் விடுக்கப்பட்டுள்ளது. 

மாநில அரசானது, ஹவுரா, ஹூக்லி, ஜார்க்ராம், கொல்கத்தா உள்ளிட்ட மாவட்டங்களில் முன்னெச்சரிக்கை நடவடிக்கைகள் எடுக்கப்பட்டுள்ளது. 

 

மாநிலங்களில் பல ரயில்கள் ரத்து செய்யப்ட்டுள்ளது. பிற்பகல் 3 மணியில் இருந்து நாளை காலை 8 மணி வரை மூடப்பட்டுள்ளது. 

நிலைமை தீவிரமாக கண்காணிக்க கொல்கத்தா போலீசார் கட்டுப்பாட்டை அறையை திறந்துள்ளனர். 

ஒடிசாவை புரட்டிப்போட்ட ஃபனி புயலால், வெவ்வேறு சம்பவங்களில் 3 பேர் உயிரிழந்துள்ளனர். புரியில் இளைஞர் ஒருவர் மீது மரம் விழுந்ததில், உடல் நசுங்கி பரிதாபமாக உயிரிழந்தார். பெண் ஒருவர் தண்ணீர் எடுக்க வெளியே சென்ற போது, கான்கிரிட் கட்டிடத்தில் இருந்த விழந்த கற்களால் உயிரிழந்தார். மற்றொரு பெண் முகாம்களில் தங்கியிருந்தபோது, நெஞ்சு வலி ஏற்பட்டு உயிரிழந்தார். 

அதி தீவிரப்புயல் பாதிப்பு நிவாரண நடவடிக்கைகளுக்காக பாதிக்கப்படும் மாநிலங்களுக்கு நேற்றே ரூ.1000 கோடி விடுவிக்கப்பட்டுள்ளதாக பிரதமர் மோடி தெரிவித்துள்ளார். இந்திய கடற்படை மற்றும் பாதுகாப்புப் படை முழு வீச்சுடன் செயல்பட்டு வருகிறது. 

கோபால்பூரில் ஃபனி புயல் தாக்கம் குறித்து விளக்கும் புகைப்படம்.

ஃபனி புயல் காரணமாக அடுத்த 48 மணி நேரத்திற்கு தனது தேர்தல் பிரசாரங்களை மேற்குவங்க முதல்வர் மம்தா பானர்ஜி ரத்து செய்துள்ளார். ஜார்கண்ட்டில் மே.5 ஆம் தேதி நடைபெற இருந்த பிரதமர் நரேந்திர மோடியின் தேர்தல் பிரசாரம், மே.6 ஆம் தேதிக்கு தள்ளிவைக்கப்பட்டுள்ளது என பாஜக செய்திதொடர்பாளர் ராஜேஷ்குமார் சுக்லா தெரிவித்துள்ளார். 

உத்தரபிரதேசம் மாநிலம் முதல்வர் யோகியின் பிரசாரமும் இன்று திட்டமிடப்பட்டிருந்தது, அதுவும் ரத்து செய்யப்பட்டுள்ளது. இதனிடேய, பொறுப்பான குடிமகனாக, சட்டத்தை மதிக்கிறோம். பலகட்ட பேச்சுவாரத்தைக்கு பின்னர், நாங்கள் பிரதமர் நரேந்திர மோடி திரைப்படத்தை தேர்தல் முடிந்ததும் வெளியிட திட்டமிட்டுள்ளோம் என தயாரிப்பாளர் சந்தீப் சிங் தெரிவித்துள்ளார். 

ஒடிசாவில், தற்போது வரை 11 லட்சத்தி 54ஆயிரம் மக்கள் பாதுகாப்பான இடங்களுக்கு வெளியேற்றப்பட்டுள்ளனர். மேலும், 10 ரயில்கள் ரத்து செய்யப்பட்டுள்ளன. இதைத்தொடர்ந்து, ஃபனி புயலின் பாதிப்பால் ரத்து செய்யப்பட்ட ரயில்களின் எண்ணிக்கை 157 ஆக அதிகரித்துள்ளது. 

கொல்கத்தா விமானநிலையம், இன்று பிற்பகல் 3 மணி முதல் மூடப்படுகிறது. 200க்கும் மேற்பட்ட விமானங்கள் ரத்து செய்யப்படும் என எதிர்பார்க்கப்படுகிறது. 

ஆந்திர பிரதேசம் ஸ்ரீகாகுளம் பகுதியில் மிக கனமழை பெய்து வருகிறது. மேலும், பலத்த காற்று காரணமாக மரங்கள் வேரோடு சாய்துள்ளன, மின்கம்பங்களும் சாய்துள்ளன. 20,000க்கும் மேற்பட்டோர் பாதுகாப்பான பகுதிக்கு வெளியேற்றப்பட்டுள்ளனர். 126 முகாம்கள் அமைக்கப்பட்டுள்ளன. இதனால், ஆந்திராவின் ஸ்ரீகாகுளம் பகுதிக்கு ரெர் அலர்ட் விடுக்கப்பட்டுள்ளது.

புயல் காரணமாக புவனேஸ்வர் ரயில் நிலையத்தில் தஞ்சமடைந்துள்ள மக்கள். (PTI)