மாற்றுத் திறனாளிகளுக்காக ஹைட்ராலிக் லிஃப்ட்டுகளுடன் புதிய பஸ்கள் டெல்லியில் வர வாய்ப்பு

புதுடெல்லி; டெல்லி அரசு உச்சநீதிமன்றத்தில், தாழ் தள பஸ்களுக்கு பதிலாக தரமான தளம்  கொண்ட பஸ்களை வாங்க வேண்டும்  என்று கோரியுள்ளது. 

மாற்றுதிறனாளிகள்  உபயோகிப்பதற்காக புதிய பஸ்களில் ஹைட்ராலிக் லிஃப்டும் நிறுவத் தயாராக உள்ளது என்று டெல்லி அரசு தரப்பு வழக்கறிஞர் கூறினார்.

டெல்லி உயர் நீதிமன்றம் தரமான பஸ்களை வெளியிட அனுமதிக்காததால், ஆம் ஆத்மி கட்சி (AAP) அரசாங்கம் அதன் ஒப்புதலுக்காக உச்சநீதிமன்றத்தை அணுகியது.

முன்னதாக ஒரு டென்டரை ஆம் ஆத்மிக் கட்சியும் மற்றொன்றை டெல்லி போக்குவரத்துக் கழகமும் எடுத்துக் கொண்டது. 1,000 பஸ்கள் ஒவ்வொன்றிற்கும் ஏல அழைப்பு விடுக்கப்பட்டது.

ஜூலை 11 ம் தேதி, டெல்லி அமைச்சரவை 1,000 தாழ் தள பேருந்துகளுக்கு மின்சார ஒப்புதல் கொடுத்தது.

முதலமைச்சர் அரவிந்த் கெஜ்ரிவால் தலைமையிலான அமைச்சரவை இந்த திட்டத்திற்கான திட்ட ஆலோசகராக ஒருங்கிணைந்த மல்டி மோடல் டிரான்சிட் சிஸ்டத்தை (டிஐஎம்டிஎஸ்) நியமித்தது. இதனிடம் மூன்று மாதங்களுக்குள் தனது அறிக்கையை சமர்ப்பிக்கும்படி கேட்டுக் கொள்ளப்பட்டது.

கிளஸ்டர்  திட்டத்தின் கீழ் ஒப்பந்தத்தின் மொத்த விலை மாதிரியில், 1000 தூய நிலை மாசு கட்டுப்பாட்டு குளீருட்டப்பட்ட மின் பஸ்ஸிற்கு அமைச்சரவை அனுமதியளித்தாக போக்குவரத்து துறை கூறியுள்ளது. 
கிழக்கு மின்சக்தி நகர், பவானா செக்டார் 5, புராரி, ரோஹினி செக்டார் 37, ரெவ்லா கான்ஸ்பூர் மற்றும் நரேலா ஆகிய பகுதிகளில் இந்த  1000 மின் பேருந்துகளுக்கும் 6 இடங்களில் பஸ் டிப்போக்கள் அமைக்கப்படும்.

தற்போது, உலகின் 48 நாடுகளில் 200 க்கும் மேற்பட்ட நகரங்களில் தூய மின் பஸ்கள் இயக்கப்படுகின்றன, இதில் முக்கியமாக 98% சீனாவில் உள்ளது.

மின்சார பஸ்கள் உற்பத்தி மெதுவாக இருந்த போதிலும், கடந்த மூன்று ஆண்டுகளில் சீனாவில் 2014-ல் 12,760 மின் பஸ்கள், 2015 ல் 94,260 மின் பேருந்துகள் மற்றும் 2016 ஆம் ஆண்டில் 115,700 மின் பேருந்துகளை கொள்முதல் செய்துள்ளது.