Election Results 2019: காங்கிரஸ் தலைவர் பதவியிலிருந்து ராகுல் காந்தி ராஜினாமா?!!- Live Updates

1980-ல் திமுக வெற்றி பெற்றது. இதன்பின்னர் காங்கிரஸ், அதிமுக கட்சிகள் மாறி மாறி வெற்றி பெற்றுவந்த நிலையில் தற்போது திமுக வேட்பாளர் எஸ்.ஆர். பார்த்திபன் வெற்றி பெற்றுள்ளார். இங்கு அவர் 4,84,658 வாக்குகளும், அதிமுக வேட்பாளர் சரவணன் 3,63,813 வாக்குகளும் பெற்றனர். 

மத்திய நிதியமைச்சர் ப.சிதம்பரம் தனது ட்விட்டர் பதிவில், ''நாடாளுமன்றத் தேர்தலில் மிகச் சிறப்பான வெற்றியைப் பெற்ற திரு நரேந்திர மோடி மற்றும் பாஜக ஆகியவர்களுக்கு என்னுடைய மனம் நிறைந்த பாராட்டுக்களைத் தெரிவித்துக்கொள்கிறேன். உயர்ந்த பொருளாதார வளர்ச்சி மற்றும் மக்கள் நல்வாழ்வு ஆகியவற்றுக்கு அவர்கள் பாடுபட என்னுடைய நல்வாழ்த்துக்களைத் தெரிவித்துக்கொள்கிறேன்'' என்று கூறியுள்ளார்.

தேர்தல் வெற்றிக்கு பின்னர் பாஜக தலைவர்கள் சமூக வலைதளங்களில் தங்களது பெயருக்கு முன்பிருந்த சவுக்கிதார் அடைமொழியை நீக்கி வருகின்றனர்.

பிரதமர் நரேந்திர மோடிக்கு பாகிஸ்தான் பிரதமர் இம்ரான் கான் வாழ்த்து தெரிவித்துள்ளார். அவர் தனது ட்விட்டர் பதிவில், தெற்காசியாவில் வளமும், வளர்ச்சியையும் ஏற்படுத்துவதற்கு பிரதமர் மோடியுடன் இணைந்து பணியாற்றுவதை எதிர்நோக்கி உள்ளதாக கூறியுள்ளார். 

கேரள மாநிலம் வயநாடு மக்களவை தொகுதியில் ராகல் காந்தி வெற்றி பெற்றுள்ளதாக அறிவிக்கப்பட்டுள்ளது. 12,76, 945 வாக்குகளை பெற்ற ராகுல் காந்தி வெற்றி பெற்றுள்ளதாக அறிவிக்கப்பட்டுள்ளது. 

கேரள மாநிலம் வயநாடு மக்களவை தொகுதியில் போட்டியிட்டுள்ள காங்கிரஸ் தலைவர் ராகுல் காந்தி 8 லட்சம் வாக்குகள் வித்தியாசத்தில் முன்னிலையில் உள்ளார். 

கேரள மாநிலம் வயநாடு தொகுதியில் காங்கிரஸ் தலைவர் ராகுல் காந்தி 7 லட்சத்து 90 ஆயிரம் வாக்குகள் பெற்றுள்ளார். 

வாரணாசி மக்களவை தொகுதியில் பிரதமர் நரேந்திர மோடி வெற்றி பெற்றுள்ளதாக அறிவிக்கப்பட்டுள்ளது. மொத்தம் 3.85 லட்சம் வாக்குகள் வித்தியாசத்தில் மோடி வெற்றி பெற்றுள்ளார். 

மக்களவை தேர்தலில் பாஜக 330-க்கும் அதிகமான இடங்களில் முன்னிலை பெற்றுள்ள நிலையில் பிரதமர் மோடி ட்வீட் செய்துள்ளார். அவர் தனது ட்வீட் பதிவில், ''ஒன்றாக வளர்வோம், ஒன்றாக வளர்ச்சி பெறுவோம், ஒன்றிணைந்து வலிமை மிக்க இந்தியாவை உருவாக்குவோம். இந்தியா மீண்டும்வெற்றி பெற்றுள்ளது''  என்று கூறியுள்ளார்.