அண்ணா பல்கலை மறுமதிப்பீடு முறைகேடு: ஜாமின் மனுவை நிராகரித்தது நீதிமன்றம்

சென்னை: (பிடிஐ) விடைத்தாள் மறுமதிப்பீட்டின் போது முறைகேடில் ஈடுபட்டதால், அண்ணா பல்கலை முன்னாள் தேர்வுக் கட்டுப்பாட்டாளர் உட்பட 10 பேர் மீது கடந்த ஆகஸ்டு 2 ஆம் தேதி வழக்குப்பதிவு செய்யப்பட்டிருந்தது

கடந்த 2017 ஆம் ஆண்டு, அண்ணா பல்கலைக்கழகத்தின் கீழ் பொறியியல் தேர்வுகள் எழுதிய மாணவர்கள், விடைத்தாள் மறுமதிப்பீட்டு கோரி விண்ணப்த்திருந்தனர். மறுமதிப்பீடு செய்து வெளிவந்த தேர்வு முடிவுகளில், பல மாணவர்கள் அதிக மதிப்பெண்கள் பெற்று தேர்ச்சி அடைந்தது தெரிய வந்தது.

மாணவர்களிடம் பணம் வாங்கி கொண்டு விடைத்தாள் மறுமதிப்பீட்டில் முறைகேடு நடைப்பெற்றுள்ளதாக லஞ்ச ஒழிப்புத் துறை வழக்கு பதிவு செய்தது. அண்ணா பல்கலை முன்னாள் தேர்வுக் கட்டுப்பாட்டாளர் உமா, திண்டிவனம் மண்டல அதிகாரிகள் விஜயகுமார், சிவகுமார், மற்றும் 7 பேராசிரியர்கள் மிது வழக்கு பதியப்பட்டிருந்தது குறிப்பிடத்தக்கது

இதற்கிடையில், விஜயகுமார், சிவகுமார் ஆகியோர் வீடுகளிலும் அலுவலகங்கிலும் நடைப்பெற்ற சோதனையில், விடைத்தாள் மறுமதிப்பீடு தொடர்பான ஆவணங்கள் சிக்கியுள்ளதாக தகவல்கள் வெளியாகின

இந்நிலையில், மறுமதிப்பீடு முறைகேடில் ஈடுபடவில்லை என்று அண்ணா பல்கலையின் முன்னாள் தேர்வுக் கட்டுப்பாட்டாளர் உமா தெரிவித்துள்ளார். மேலும், தனக்கு ஜாமின் அளிக்க கோரியும் நீதிமனறத்தில் மனு தாக்கல் செய்துள்ளார். இந்த மனுவை விசாரித்த நீதிபதி தண்டபானி, ஜாமின் மனுவை ரத்து செய்து உத்தரவிட்டார்.