மாநிலங்களவையில் பரிந்துரைக்கப்பட்ட முதல் முன்னாள் தலைமை நீதிபதி ரஞ்சன் கோகோய் ஆவார்.
இந்தியாவின் முன்னாள் தலைமை நீதிபதி ரஞ்சன் கோகோய்யை நாடாளுமன்றத்தின் மாநிலங்களவைக்கு ஜனாதிபதி ராம் நாத் கோவிந்த் திங்கள்கிழமை பரிந்துரைந்துரைத்தார். எந்தவொரு முன்னாள் தலைமை நீதியரசரும் மாநிலங்களவைக்குப் பரிந்துரைக்கப்பட்டதில்லை. பொதுவாகப் பிரபலங்கள் மற்றும் கலைஞர்கள் இதில் ஆதிக்கம் செலுத்துகிறார்கள்.
கடந்த காலங்களில், முன்னாள் தலைமை நீதிபதி ரங்கநாத் மிஸ்ரா காங்கிரசில் சேர்ந்து நாடாளுமன்ற உறுப்பினரானார். 1991 ல் ஓய்வு பெற்ற நீதிபதி ரங்கநாத் மிஸ்ரா 1998 ல் மாநிலங்களவையில் பரிந்துரைக்கப்பட்டு 2004 வரை அங்கேயே இருந்தார். பின்னர், இந்தியாவின் முன்னாள் தலைமை நீதிபதி பி சதாசிவம் நரேந்திர மோடி அரசால் நியமிக்கப்பட்ட கேரள ஆளுநரானார்.
முன்னாள் நீதிபதி பஹருல் இஸ்லாம் முன்னதாக கவுஹதி உயர்நீதிமன்ற நீதிபதியாக நியமிக்கப்படுவதற்கு முன்பு மாநிலங்களவை எம்.பியாக இருந்தார். பின்னர், 1980 ல் அவர் உச்சநீதிமன்ற நீதிபதியாக நியமிக்கப்பட்டார். நகர்ப்புற கூட்டுறவு வங்கி ஊழலில் அப்போதைய பீகார் முதல்வர் ஆளும் காங்கிரசைச் சேர்ந்த ஜெகந்நாத் மிஸ்ராவை விடுவித்தார். அதன் பின்பு அவர் நீதிபதி பதவியை ராஜினாமா செய்து மீண்டும் மாநிலங்களவை உறுப்பினரானார் என்பது குறிப்பிடத்தக்கது.
நீதிபதி கோகோய் கடந்த ஆண்டு நவம்பரில் உச்சநீதிமன்றத்தின் தலைவராக சுமார் 13 மாதங்கள் பணியாற்றி ஓய்வு பெற்றார்.
தீபக் மிஸ்ரா தலைமை நீதிபதியாக இருந்தபோது, 2018 ஜனவரியில் பத்திரிகையாளர் சந்திப்பை நடத்திய நான்கு உயர் நீதிமன்ற நீதிபதிகளில் கோகோய்யும் ஒருவராக இருந்தார். நீதிபதி தீபக் மிஸ்ராவால் தேர்ந்தெடுக்கப்பட்ட நீதிபதிகளுக்கு, வழக்குகளை ஒதுக்குதல் மற்றும் ஜூனியர் நீதிபதிகளுக்கு முக்கியமான வழக்குகள் ஒதுக்கப்படுகின்றன என்று அவர்கள் குற்றம் சாட்டியிருந்தனர்.
ஒரு நீதிபதியாக, அவர் அயோத்தியில் உள்ள கோயில்-மசூதி வழக்கில் முக்கிய தீர்ப்பை வழங்கிய அரசியலமைப்பு அமர்வுக்குத் தலைமை தாங்கினார். நீதிமன்றம் சர்ச்சைக்குரிய 2.77 ஏக்கர் நிலத்தைக் கோவிலுக்கு ஒப்படைத்து, அயோத்தியில் மாற்று இடத்தில் மசூதிக்கு 5 ஏக்கர் வழங்கியது என்பது குறிப்பிடத்தக்கது.
ரஃபேல் ஜெட் விமானங்களைக் கையகப்படுத்துவது தொடர்பான வழக்கில் அரசாங்கத்திற்கு ஆதரவாகத் தீர்ப்பு கொடுத்த அமர்வில் அவர் ஒரு பகுதியாக இருந்தார். 36 போர் விமானங்களைக் கொள்முதல் செய்வதில் முடிவெடுக்கும் செயல்முறையைச் சந்தேகிக்க எவ்வித சாத்தியங்களும் இல்லை என்று கூறியிருந்தார். நீதிமன்ற ஊழியரால் அவருக்கு எதிராக பாலியல் துன்புறுத்தல் குற்றச்சாட்டுகள் இருந்தன, ஆனால் இந்த விவகாரத்தை ஆராய்ந்து கொண்டிருந்த மூன்று பேர் கொண்ட உச்ச நீதிமன்ற குழுவால் அவர் வழக்கினை முடித்து வைத்தார்.