வருமானத்திற்கு அதிகமாக சொத்து சேர்ந்ததாக எழுந்த புகாரின் அடிப்படையில் கர்நாடகாவில் ஊழல் தடுப்பு அதிகாரிகள். அரசு அதிகாரி டி.ஆர். சுவாமி என்பவரது வீட்டில் சோதனை மேற்கொண்டனர்.
இந்த சோதனை பெங்களூருவில் நடந்தது. இதில், கணக்கில் வராத ரூ. 4.52 கோடி பணம், 3 கார்கள், 1.6 கிலோ தங்கம், 7.5 கிலோ வெள்ளி, 8 வீடுகள், 11 இடங்கள், 14 ஏக்கர் விவசாய நிலம் உள்ளிட்டவை பறிமுதல் செய்யப்பட்டது.
இதுகுறித்து ஊழல் தடுப்பு அதிகாரிகள் கூறும்போது, வெள்ளியன்று பெங்களூரு மற்றும் தும்கூர் ஆகிய நகரங்களில் 8 இடங்களில் நாங்கள் சோதனை மேற்கொண்டோம். அரசு அதிகாரிகள் வருமானத்திற்கு அதிகமாக சொத்து சேர்த்துள்ளதாக வந்த புகாரின்பேரில் இந்த சோதனை நடத்தப்பட்டது. என்.ஜி. கவுடையா, சுவாமி ஆகியோருக்கு சொந்தமான இடங்களில் சோதனை நடத்தினோம். இதில் கணக்கில் வராத ரூ. 4.52 கோடி பணம், 3 கார்கள், 1.6 கிலோ தங்கம், 7.5 கிலோ வெள்ளி, 8 வீடுகள், 11 இடங்கள், 14 ஏக்கர் விவசாய நிலம் உள்ளிட்டவை பறிமுதல் செய்யப்பட்டது என்றனர்.
இதேபோன்று, வனத்துறை அதிகாரி சந்திரகவுடா, சுகாதாரத்துறை அதிகாரி மின்சினால் உள்ளிட்டோரின் வீடுகளிலும் அதிகாரிகள் சோதனை நடத்தினர்.