பேனா மூடியை விழுங்கியதால் சிறுவன் பலி ; விஜயவாடாவில் பரிதாபம்

விஜயவாடா: ஆந்திர பிரதேச மாநிலம், நெல்லூர் மாவட்டத்தை சேர்ந்த நாகா வினய் 8 வயது சிறுவன், பேனா மூடியை விழுங்கியதால் பரிதாபமாக உயிரிழந்துள்ளான்.

பள்ளியில், பாட வகுப்பின் போது தவறுதலாக பேனா மூடியை சிறுவன் விழுங்கியுள்ளான். இதனை அறிந்த வகுப்பு ஆசிரியை, சிறுவனை தூக்கிக் கொண்டு மருத்துவமனைக்கு சென்றுள்ளார்.

பேனா மூடி சிறுவனின் தொண்டை பகுதியை அடைத்துள்ளது. இதனால், மருத்துவ உதவிகள் பயனின்றி, சிறுவன் பரிதாபமாக உயிரிழந்துள்ளார்.