வெளுத்து வாங்கப்போகும் மழை… உஷார் நிலையில் மும்பை!

மழையை எதிர்கொள்ள உஷார் நிலையில் அனைத்துத் துறைகளும் வைக்கப்பட்டுள்ளன

மும்பையில் மழை எப்படி இருக்கும் என்பது குறித்து வானிலை ஆய்வு மையம், `நகரத்தில் குறைந்தபட்சம் அடுத்த இரண்டு நாட்களுக்கு மழையின் வீச்சு அதிகரிக்கும். இதனால், மீனவர்கள் கடலுக்கு மீன் பிடிக்கச் செல்ல வேண்டாம். முடிந்த வரை மக்கள் அவர்கள் இருப்பிடத்தில் இருந்து வெளியே வருவதை தவிர்க்க வேண்டும்' என்று தெரிவித்துள்ளது.

இந்த கன மழையில் பாதிக்கப்பட்டு, செல்ல வீடில்லாதவர்கள் தங்குவதற்கு ஏதுவாக அனைத்து பள்ளிகளும் திறந்தே இருக்கும். எனவே, வசிப்பிடங்களில் நீர் புகுந்தாலும் அருகில் இருக்கும் பள்ளிகளில் மக்கள் தங்கிக் கொள்ளலாம். அசம்பாவிதங்பகளை சமாளிக்க கடற்படை தயார் நிலையில் வைக்கப்பட்டு உள்ளது. அதேபோல, தேசிய பேரிடர் குழுவும் எந்தப் பிரச்னையையும் எதிர்கொள்ளும் நிலையில் எச்சரிக்கப்பட்டு உள்ளன.