ரஜினியின் “பேட்ட” படத்தில் கமிட் ஆகியுள்ளார் நடிகை த்ரிஷா. கடந்த சில மாதங்களாக பேட்ட படப்பிடிப்பு நடந்து வரும் நிலையில் வாரணாசியில் நாளை நடைபெறவுள்ள படப்பிடிப்பின்போது த்ரிஷா அதில் பங்கேற்கிறார். ரஜினியுடன் நடிப்பதுபற்றி த்ரிஷா அளித்த பேட்டியில், “ எப்ப நீங்க ரஜினியுடன் நடிப்பீங்கன்னு ரொம்ப பேரு கேட்டுட்டே இருந்தாங்க. அந்த கேள்வி உண்மையிலேயே எனக்கு மனசுல உறுத்தலாகவே இருந்துச்சு. இப்ப ரஜினி சாரோட நடிக்குற நேரம் வந்திடுச்சு. பேட்ட ஷூட்டிங் செட்ல அக்டோபர் 1-ம்தேதி (நாளை) ஜாயின் பன்றேன். ஒரு மாதத்திற்கு நான் ஷூட்டிங்ல இருப்பேன். ரஜினி சாரோட நடிக்கிறதால என்னோட நடிகை கேரியர் முழுமை பெற்றதா ஃபீல் பண்றேன்” என்றார்.
விஜய் சேதுபதியுடன் த்ரிஷா நடித்திருக்கும் ’96‘ திரைப்படம் 4-ம் தேதி திரைக்கு வருகிறது. இந்த படத்தை மிக ஆவலுடன் எதிர்பார்த்துள்ளதாகவும் த்ரிஷா கூறியுள்ளார்.