டெல்லியில் நடைபெற்ற சர்தார் படேல் நினைவு கூட்டத்தில் அஜித் தோவல் பேசினார்.
நாட்டின் முதல் உள்துறை அமைச்சர் சர்தார் வல்லபாய் படேலின் நினைவு கூட்டம் டெல்லியில் நடைபெற்றது. இதில் தேசிய பாதுகாப்பு ஆலோசகர் அஜித் தோவல் கலந்து கொண்டார்.
நிகழ்ச்சியில் அவர் பேசியதாவது-
இந்தியாவுக்கு நிலையான அரசு அடுத்த பத்து ஆண்டுகளுக்கு தேவை. அப்படி இருந்தால்தான் அரசியல், பொருளாதார இலக்குகளை இந்தியா அடையும். பலவீனமான அரசு மத்தியில் இருந்தால் அது நாட்டின் பாதுகாப்பு அச்சுறுத்தலாக அமையும்.
இதற்கு சீனாவை ஓர் உதாரணமாக கூறலாம் 1970-களில் இந்தியாவை விட பொருளாதாரத்தில் பலவீனமான நாடாக சீனா இருந்தது. ஆனால் 2010-ல் உலகில் ஒரு முக்கியமான பொருளாதார சக்தியாக சீனா மாறிவிட்டது. இவ்வாறு அவர் பேசினார்.
அடுத்த ஆண்டு பொதுத் தேர்தல் நடைபெறவுள்ள நிலையில், தேசிய பாதுகாப்பு ஆலோசகர் இவ்வாறு பேசியுள்ளார்.