இது சாதாரண பொருளாதார மந்தநிலை அல்ல: அரவிந்த் சுப்பிரமணியன் தெரிவிக்கும் அதிர்ச்சி தரும் தகவல்

இன்று நாடு எதிர்கொள்ளும் நிலை “ஒரு சாதாரண பொருளாதார மந்தநிலை அல்ல”என்று நரேந்திர மோடி அரசின் முன்னாள் தலைமை பொருளாதார ஆலோசகர் அரவிந்த் சுப்பிரமணியன் NDTVயின் டாக்டர் பிரணாய் ராயிடம் நேர்காணலில் தெரிவித்தார். 

2011 மற்றும் 2016க்கு இடையிலான இந்தியாவின் மொத்த உள்நாட்டு உற்பத்தியின் வளர்ச்சி 2.5 சதவீத புள்ளிகள் மிகையாக கணக்கிடப்பட்டுள்ளதாக தெரிவித்தார். 

பொருளாதார ஆலோசகர் சுப்பிரமணி ஐ.ஐ.எம் அகமதாபாத் மற்றும் ஆக்ஸ்போர்டு பல்கலைக்கழகத்தின் பட்டதாரி. ஒரு மணி நேரம் நீண்ட ஆழமான உரையாடலில் (எண்ணெய் அல்லாத) ஏற்றுமதி மற்றும் இறக்குமதி விகிதங்கள் (முறையே 6 சதவீதம் மற்றும் 1 சதவீதமாக குறைந்துள்ளது) மூலதன பொருட்கள் தொழில் வளர்ச்சி (10 சதவீதம் குறைவு) மற்றும் நுகர்வோர் பொருட்கள் உற்பத்தி வளர்ச்சி விகிதம் (இரண்டு ஆண்டுகளுக்கு முன்பு 5 சதவீதத்திலிருந்து இப்போது 1 சதவீதம்) சிறப்பான குறியீடாக இருக்கலாம்.

 “ஏற்றுமதி புள்ளி விவரங்கள், நுகர்வோர் பொருட்களில் புள்ளி விவரங்கள், வரி வருவாய் புள்ளி விவரங்கள்.... நாட்டின் வளர்ச்சியின் வெளிப்பாட்டை  குறிப்பிடும் இந்த மதிப்பீடுகள் யாவும் மிகையாக கணக்கீடு செய்யப்பட்டுள்ளது. 2000, 2002 க்கும் மற்றும் மொத்த உள்நாட்டு உற்பத்தியின் வளர்ச்சி 4.5 சதவீதமாக இருந்த போதிலும் இந்த குறியீடுகள் அனைத்தும் நேர்மாறனவை அல்ல” என்று அவர் குறிப்பிட்டார்.

“இது ஒரு சாதாரண மந்தநிலை அல்ல... இது இந்தியாவின் பெரும் மந்தநிலை” என்று சுப்பிரமணியன் தெரிவித்தார்.

அரசாங்க தரவுகளின் படி இந்தியாவின் மொத்த உள்நாட்டு உற்பத்தி தொடர்ச்சியாக ஏழு ஆண்டுகளில் கீழ்நோக்கி சென்றுள்ளது. 2019/20 காலாண்டில் 2 சதவீதம் குறைந்து 4.5 சதவீதமாக குறைந்துள்ளது. 2018/19 ஆம் ஆண்டின் முதல் காலாண்டில் 8 சதவீதமாக இருந்தது.