Coronavirus in Chennai: இதுவரை சென்னையில் கொரோனாவால் பாதிக்கப்பட்ட 226 பேர் சிகிச்சையின் மூலம் மீண்டு வந்துள்ளனர்.
ஹைலைட்ஸ்
- தமிழகத்தில் இதுவரை 3,023 பேருக்கு கொரோனா இருப்பது உறுதி செய்யப்பட்டுள்ளது
- அதில் இதுவரை 1,379 பேர் தொற்று குணமடைந்ததால் டிஸ்சார்ஜ் ஆகியுள்ளனர்
- தற்போது வரை தமிழகத்தில் கொரோனா தொற்றால் 30 பேர் பலியாகியுள்ளனர்
Coronavirus in Chennai: தமிழகத்தில் நேற்று 266 பேருக்கு கொரோனா வைரஸ் தொற்று இருப்பது உறுதி செய்யப்பட்டுள்ளது. அவர்களில் சென்னையைச் சேர்ந்தவர்கள் 203 பேர். ஒட்டுமொத்த அளவில் 3,023 பேருக்கு தமிழகத்தில் கொரோனா தொற்று உறுதி செய்யப்பட்டுள்ளது. நேற்று ஒரே நாளில் மட்டும் 38 பேர் கொரோனா தொற்றிலிருந்து மீண்டதால் டிஸ்சார்ஜ் செய்யப்பட்டுள்ளனர். இதுவரை தமிழகத்தில் மொத்தமாக 1,379 பேர் சிகிச்சையின் மூலம் கொரோனா தொற்றிலிருந்து குணமடைந்து டிஸ்சார்ஜ் ஆகியுள்ளனர். இதனால், தற்போது தமிழகத்தில் 1,611 பேருக்கு மருத்துவமனைகளில் சிகிச்சை அளிக்கப்பட்டு வருகிறது.
சென்னையில் மண்டலம் வாரியாக பாதிக்கப்பட்டவர்களின் விவரம் (03.05.2020) வருமாறு:
திருவொற்றியூர் - 22
மணலி - 5
மாதவரம் - 9
தண்டையார்பேட்டை - 118
ராயபுரம் - 275
திரு.வி.க நகர் - 324
அம்பத்தூர் - 58
அண்ணா நகர் - 130
தேனாம்பேட்டை - 166
கோடம்பாக்கம் - 199
வளசரவாக்கம் - 92
ஆலந்தூர் - 10
அடையாறு - 29
பெருங்குடி - 10
சோழிங்கநல்லூர் - 6
மற்ற மாவட்ட பட்டியலில் சேர்க்கப்பட்டவர்களின் எண்ணிக்கை - 5
மே 4 ஆம் தேதி, காலை 10 மணி நிலவரப்படி, சென்னையில் மொத்தமாக 1,458 பேருக்கு கொரோனா வைரஸ் தொற்று ஏற்பட்டது உறுதிபட தெரிவிக்கப்பட்டுள்ளது.
இதுவரை சென்னையில் கொரோனாவால் பாதிக்கப்பட்ட 226 பேர் சிகிச்சையின் மூலம் மீண்டு வந்துள்ளனர். அவர்கள் டிஸ்சார்ஜ் செய்யப்பட்டுள்ளனர். 17 பேர் சிகிச்சைப் பலனின்றி உயிரிழந்துள்ளார்கள். தற்போது 1,210 பேர் மருத்துவமனையில் அனுமதிக்கப்பட்டு சிகிச்சைப் பெற்று வருகின்றனர்.
சென்னையில் அதிகபட்சமாக திரு.வி.க நகர் மண்டலத்தில் 287 பேருக்கு கொரோனாவுக்கு எதிரான சிகிச்சை அளிக்கப்பட்டு வருகிறது. அதைத் தொடர்ந்து ராயபுரம் மண்டலத்தில் 200 பேருக்கும், கோடம்பாக்கம் மண்டலத்தில் 177 பேருக்கும், தேனாம்பேட்டை மண்டலத்தில் 142 பேருக்கும், அண்ணா நகர் மண்டலத்தில் 107 பேருக்கும் கொரோனா பாதிப்பு இருப்பது சோதனைகள் மூலம் கண்டறியப்பட்டு சிகிச்சை அளிக்கப்பட்டு வருகிறது.