இன்றைய தலைப்புச் செய்திகள்: டிரம்ப் - மோடி பேச்சுவார்த்தையில் சிஏஏ இடம்பெறவில்லை!

கடந்த 20 வருடங்கள் இல்லாத அளவிலான மிக மோசமான இனவாத கலவரம் டெல்லியில் நேற்றைய தினம் ஏற்பட்டது. வடகிழக்கு டெல்லியின் பல பகுதிகளில் இந்து - முஸ்லிம் குழுக்களுக்கு இடையில் ஏற்பட்ட மோதலில் குறைந்தது 20 பேர் உயிரிழந்துள்ளனர். மேலும், 250க்கும் மேற்பட்டோர் காயமடைந்துள்ளனர். அமெரிக்க அதிபர் டொனால்ட் டிரம்ப் - பிரதமர் நரேந்திர மோடி இடையே நடைபெற்ற பேச்சுவார்த்தையில் சிஏஏ குறித்து எதுவும் விவாதிக்கப்படவில்லை என வெளியுறவு செயலாளர் ஹர்ஷ் வர்தன் தெரிவித்துள்ளார். இரு நாட்டு தலைவர்களும் நேர்மறையாக மதநல்லிணக்கம் குறித்து பேசியதாக அவர் தெரிவித்துள்ளார்.