New Delhi/Ranchi:
ஜார்கண்ட் மாநிலம், ராஞ்சியில் நடைபெற்ற விழாவில் மருத்துவ காப்பீடு ஆவணங்களை பயனாளிகளுக்கு பிரதமர் மோடி வழங்கினார். இந்த மருத்துவ திட்டத்திற்கு ‘ஆயுஷ்மான் பாரத்’ எனப் பெயரிடப்பட்டுள்ளது. மேலும், இந்த மருத்துவ திட்டத்தின்படி, பொருளாதரத்தில் பின் தங்கிய ஒவ்வொரு குடும்பத்தினருக்கும், 5 லட்சம் ரூபாய் வரையிலான மருத்துவ செலவுகளை மத்திய அரசே ஏற்றுக்கொள்ளும் என்று அறிவிக்கப்பட்டுள்ளது. இந்த திட்டத்திற்கு, 12 ஆயிரம் கோடி ரூபாய் ஒதுக்கப்பட்டு உள்ளது என்று தெரிவிக்கப்பட்டுள்ளது
10 முக்கிய குறிப்புகள்
- “உலகின் வேறு எந்த நாட்டிலும் இல்லாத அளவிற்கு இந்த மருத்துவ காப்பீட்டு திட்டம் பயனுள்ளதாக இருக்கும்” என்று பிரதமர் மோடி தெரிவித்துள்ளார்
- ஜார்கண்ட் மாநில பயனாளிகளுக்கு, காப்பீடு குறித்த அறிக்கை வழங்கப்பட்டது. இதைப் போல, நாட்டின் மற்ற பகுதிகளில் உள்ள 10.74 கோடி பயனாளிகளுக்கும் காப்பீடு குறித்த அறிக்கை அனுப்பி வைக்கப்படும் என்று அதிகாரிகள் தெரிவித்துள்ளனர்
- தீனதயாள் உபாத்யாயா பிறந்த தினமான நாளை மறுதினம் 25ம் தேதி நடைமுறைக்கு வரும் என அறிவிக்கப்பட்டுள்ளது
- அமெரிக்கா, கனடா, மெக்சிகோ ஆகிய 3 நாடுகளின் மொத்த மக்கள் தொகை கூட ஆயுஷ்மான் பாரத் திட்ட பயனாளிகளின் எண்ணிகையை நெருங்க முடியாது என்று பிரதமர் மோடி கூறினார்.
- இந்த திட்டதிற்கான 60% நிதி மத்திய அரசும், 40% நிதி மாநில அரசுகளும் அளிக்க உள்ளன
- இந்த திட்டத்தின் மூலம், பொருளாதாரத்தில் பின் தங்கிய மக்களுக்கு சுகாதார வசதிகள் வழங்கப்படும் என்று தெரிவிக்கப்பட்டுள்ளது
- குறிப்பிடப்பட்டுள்ள தனியார் மருத்துவமனைகளில், பயனாளிகள் மருத்துவ உதவிகளை பெற்றுக் கொள்ளலாம்
- ஆதார், வாக்காளர் அடையாள அட்டை, ரேஷன் கார்டு ஆகியவற்றில் ஏதேனும் ஒன்றை பெற்றுள்ளவர்களின் அடையாளத்தின் பேரில், இந்த திட்டத்திற்கு பதிவு செய்யலாம்
- தெலுங்கானா, ஒடிஷா, டில்லி, கேரளா, பஞ்சாப் ஆகிய மாநிலங்கள் இந்த திட்டத்திற்காக மத்திய அரசுடன் பதிவு செய்யவில்லை என்பது குறிப்பிடத்தக்கது
- 50 கோடிக்கும் அதிகமான மக்கள் இந்த திட்டத்தால் பயன்பெறுவர். மேலும், அடுத்த 6 மாதங்களில் இந்த திட்டம் விரிவு படுத்தப்படும் என்று பிரதமர் மோடி தெரிவித்துள்ளார்
COMMENTS
Advertisement