வெளிநாட்டு தலைவர்கள் மோடியின் பதவியேற்பு விழாவில் கலந்து கொள்கின்றனர்.
பிரதமர் மோடியின் பதவியேற்பு விழா 8 ஆயிரம் சிறப்பு விருந்தினர்களுடன் நாளை பிரமாண்டமாக நடைபெறவுள்ளது. குடியரசு தலைவர் மாளிகையில் இதுவரை இல்லாத அளவுக்கு இந்த விழா வெகு விமர்சையாக நடைபெறும் என தகவல்கள் தெரிவிக்கின்றன.
மோடியின் பதவியேற்பு விழா மாலை 7 மணிக்கு தொடங்குகிறது. இதில் பிம்ஸ்டெக் நாடுகளின் தலைவர்கள் கலந்து கொள்கின்றனர். உலக நாடுகளின் தலைவர்களை தவிர்த்து மாநில முதலமைச்சர்கள், கட்சி தலைவர்கள், எதிர்க்கட்சி உறுப்பினர்கள், வெளிநாட்டு தூதர்கள் உள்ளிட்டோர் பங்கேற்கின்றனர்.
வெளிநாடு வாழ் இந்தியர்கள் 100-க்கும் அதிகமானோருக்கு அழைப்பு கொடுக்கப்பட்டுள்ளது. பதவியேற்பு விழா குறித்து குடியரசு தலைவருக்கான செயலர் அசோக் மாலிக் கூறுகையில், 'குடியரசு தலைவர் மாளிகையில் நடைபெற்ற விழாக்களில் இந்த விழா மிகவும் பிரமாண்டமாக நடைபெறும்' என்று தெரிவித்தார்.
2014-ல் மோடியின் பதவியேற்பு விழா நடைபெற்றபோது அதில் 5 ஆயிரம் விருந்தினர்கள் மட்டுமே கலந்து கொண்டனர். தற்போது இந்த எண்ணிக்கை 8 ஆயிரமாக உயர்ந்துள்ளது.