முன்னணி நாடுகளில் கொரோனா சோதனை அளவு 5 லட்சமாக இருந்த போது, அந்த நாடுகளிலிருந்த பாதிப்பு எண்ணிக்கையை விட இந்தியாவில் மிகக் குறைந்த அளவே பாதிப்பு எண்ணிக்கை உள்ளதாக பிரதமர் நரேந்திர மோடி தெரிவித்துள்ளார்.
இதுதொடர்பாக பிரதமர் நரேந்திர மோடி தனது ட்வீட்டர் பதிவில், முன்னணி நாடுகளில் கொரோனா சோதனை அளவு 5 லட்சமாக இருந்த போது, அந்த நாட்டிலிருந்த பாதிப்பு எண்ணிக்கையை விட இந்தியாவில் மிகக் குறைந்த அளவே பாதிப்பு எண்ணிக்கை உள்ளது.
கொரோனா வைரஸ் பரவலை கட்டுப்படுத்த மத்திய அரசு மேற்கொண்ட நடவடிக்கைகள் மற்றும் சுவாரஸ்யமான உண்மைகளை நமோ செயலி பயனாளர்கள் தெரிந்துகொள்ளலாம் என பிரதமர் நரேந்திர மோடி தெரிவித்துள்ளார்.
மேலும், நமோ செயலியில், தன்னார்வலர்கள் பக்கத்தில் #IndiaFightsCorona என்ற உங்கள் குரல் பிரிவில் சில சுவாரஸ்யமான தகவல்களையும் மோடி அரசு மேற்கொண்ட நடவடிக்கைகள் குறித்தும் தெரிந்துகொள்ளலாம் என்று அவர் கூறியுள்ளார்.
இந்தியாவில் நேற்றைய நிலவரப்படி, 23,452 பேர் கொரோனா வைரஸால் பாதிக்கப்பட்டுள்ளனர். மேலும், 723 பேர் உயிரிழந்துள்ளனர் என மத்திய சுகாதார அமைச்சகம் தகவல் தெரிவித்துள்ளது.