PM Modi was earlier thanked by K Palaniswam for establishing AIIMS in Tamil Nadu. (File)
: மதுரையில் கட்டப்படவுள்ள அனைத்திந்திய மருத்துவ அறிவியல் கழகத்தின் (எய்ம்ஸ்) அடிக்கல் நாட்டு விழாவில் பிரதமர் நரேந்திர மோடி பங்கேற்று, நிகழ்ச்சியை துவங்கி வைப்பார் என தமிழக பாஜக கட்சி தலைவர் தமிழிசை செளந்தரராஜன் தெரிவித்தார்.
சென்னையில் செய்தியாளர்களிடம் இன்று பேசிய தமிழிசை, அடிக்கல் நாட்டு விழா நடக்கவிருக்கும் தேதி விரைவில் அறிவிக்கப்படும் என்றார்.
எய்ம்ஸ் மருத்துவமனையை மதுரையில் அமைத்திடும் முடிவை எடுத்த பிரதமர் நரேந்திர மோடிக்கு, தமிழக முதல்வர் எடப்பாடி பழனிச்சாமி கடந்த ஜூன் 20ஆம் தேதி நன்றி தெரிவித்தார்.
750 படுக்கைகளை கொண்டிருக்கும் எய்ம்ஸ் பன்நோக்கு மருத்துவமனை, மதுரையில் 200 ஏக்கர் பரப்பளவில் 1500 கோடி ரூபாய் செலவில் உருவாகவுள்ளது.