காங்கிரஸ் தலைவர் ராகுல் காந்திக்கு அமேதி தொகுதியில் பின்னடைவு ஏற்ப்பட்டுள்ளது. அவரை எதிர்த்து போட்டியிட்ட பாஜக வேட்பாளர் ஸ்மிருதி இரானி முன்னிலை வகித்து வருகிறார். கேரள மாநிலம் வயநாட்டு தொகுதியிலும் போட்டியிட்ட ராகுல் காந்தி, அங்கு முன்னிலை வகிக்கிறார்.
ஸ்மிருதி இரானி, அமேதி தொகுதியில் தீவிரமாக தேர்தல் பிரசாரம் செய்தார். 2014ம் ஆண்டு ராகுல் காந்தியை எதிர்த்து போட்டியிட்ட ஸ்மிருதி தோல்வியுற்றார். தோற்ற பிறகும் அவர் தொடர்ந்து தொகுதிக்கு சென்று, மத்திய அரசின் திட்டங்களை அமல்படுத்தினார்.
இந்தியா முழுவதும் ராகுல் காந்தி பிரசாரம் செய்து வந்தார். ஆனால், அவர் தொகுதியில் பிரசாரம் சரியாக செய்யவில்லை என பாஜகவால் குற்றம்சட்டப்பட்டார்.
ராகுல் காந்தி தன்னுடைய சொந்த தொகுதியில் தோற்றால், காங்கிரஸ் கட்சிக்கு கோட்டையாக இருக்கும் தொகுதியின் தோல்வி பாஜகவிற்கு பெரும் பலமாக அமையும்.
தற்போதைய நிலவரப்படி பாஜக வேட்பாளர் ஸ்மிருதி ராணி 52,251 வாக்குகள் பெற்று முன்னிலையில் உள்ளார். ராகுல் காந்தி 47,150 வாக்குகள் பெற்று இரண்டாம் இடத்தில் உள்ளார்.
1998ம் ஆண்டை தவிர கடந்த 30 ஆண்டுகளாக அந்த தொகுதியில் காங்கிரஸ் கட்சி தோல்வி அடையவில்லை.