அரசியல் என்ட்ரி கொடுத்த பிரியங்கா; பாஜக-வுக்கு ராகுலின் மெஸேஜ்!

உத்தர பிரதேசத்தில் பாஜக-வுக்கு நெருக்கடி கொடுக்க வேண்டும் என்ற நோக்கில் காங்கிரஸ் எடுத்த மூவ் ஆக இது பார்க்கப்படுகிறது. 

இந்த அறிவிப்பின் மூலம் நான் உத்தர பிரதேச மக்களுக்கு ஒன்றைத்தான் சொல்ல விரும்புகிறேன். பாஜக, உத்தர பிரதேசத்தை நாசமாக்கிவிட்டது. அதை மீண்டும் உயிர்பிக்க நாங்கள் பாடுபடுவோம். அதற்கு பிரியங்காவின் பங்கு மிகப் பெரியதாக இருக்கும்.

வெறும் இரண்டு மாதங்களுக்காக பிரியங்காவை உத்தர பிரதேசத்துக்கு அனுப்பவில்லை. காங்கிரஸின் கொள்கைகள் மற்றும் கோட்பாட்டை முன்னெடுத்துச் செல்லவே அவர் நியமிக்கப்பட்டுள்ளார். ஏழைகளுக்காக, இளைஞர்களுக்காக, விவசாயிகளுக்காக எப்போதும் காங்கிரஸ் உறுதுணையாக இருக்கும். அதை பிரியங்கா உத்தர பிரதேசத்தில் முன்னோக்கி எடுத்துச் செல்வார்” என்று திட்டவட்டமாக கூறினார். பிரியங்காவுடன் சேர்த்து ஜோதிராதித்யா சிந்தியாவும் கிழக்கு உத்தர பிரதேச பொறுப்பாளராக நியமிக்கப்பட்டுள்ளார். 

கடந்த சில நாட்களுக்கு முன்னர் சமாஜ்வாடியும் பகுஜன் சமாஜ் கட்சியும், வரும் நாடாளுமன்றத் தேர்தலில் கூட்டணி வைத்துப் போட்டியிட உள்ளதாக அறிவித்தன. அவர்கள் கூட்டணியில் காங்கிரஸ் இருக்கும் என்று எதிர்பார்க்கப்பட்ட நிலையில், இந்த அறிவிப்பு தேசிய அரசியலில் அதிர்வலைகளை உருவாக்கின. இருவருது கூட்டணி குறித்து பேசிய ராகுல், ‘எனக்கு மாயாவதி மீதும், அகிலேஷ் மீதும் அதிக மரியாதை உள்ளது. மத்தியில் எங்களின் எதிரி ஒரு கட்சிதான். அதை வீழ்த்த அவர்களுக்கு நாங்கள் எப்போதும் உதவியாக இருப்போம்' என்று அலட்டிக்கொள்ளாமல் கருத்து தெரிவித்தார்.