Tamilrockers Saaho:திரையரங்குளில் வெளியான சில மணி நேரத்தில் தமிழ் ராக்கர்ஸில் சாஹோ
பிரபாஸின் (Prabhas) சாஹோ (Saaho) திரைப்படம் திரையரங்குகளில் வெளியான சில மணி நேரத்திலே சட்டவிரோதமாக தமிழ் ராக்கர்ஸ் (Tamilrockers) இணையதளத்தில் வெளியாகி பரபரப்பை ஏற்படுத்தியுள்ளது.
சாஹோ இந்திய சினிமாவே பெரும் ஆவலுடன் எதிர்ப்பார்த்துக்கொண்டிருக்கும் படம். இப்படம் ரூ.350 கோடி பட்ஜெட்டில் உருவாகியுள்ளது.
பாகுபலியின் பிரம்மாண்ட வெற்றிக்குப் பிறகு பிரபாஸ் நடித்திருக்கும் மெகா பட்ஜெட் படமாகும் ‘சாஹோ'. சுஜீத் இயக்கி இருக்கும் இப்படத்தில் ஷ்ரத்தா கபூர், ஜாக்கி ஷெரஃப், அருண் விஜய், நீல் நிதின் முகேஷ், மந்திரா பேடி என மாபெரும் நட்சத்திர பட்டாளமே நடித்திருக்கிறது.
இந்த படத்தின் சண்டை காட்சிகள் பெரும் சவாலாக இருந்தாக, கதாநாயகி ஷ்ரத்தா கபூர் கூறி இருக்கிறார், அபுதாபியில் படமாக்கப்பட்ட கார் சேஸிங் காட்சிக்கு மட்டும் 80 கோடி ரூபாய் செலவிடப்பட்டுள்ளது.
இந்தப் படம் தெலுங்கு, தமிழ், மலையாளம், ஹிந்தி என நான்கு மொழிகளில் உலகம் முழுவதும் இன்று (ஆக.30) ரிலீசாகி உள்ளது.
இந்நிலையில், படம் வெளியான முதல் நாளான இன்று முதல் காட்சி திரையரங்குகளில் ஓடிக் கொண்டிருக்கும் நிலையிலே 'சாஹோ' திரைப்படம் தமிழ் ராக்கர்ஸ் இணைய தளத்தில் சட்டவிரோதமாக வெளியாகி உள்ளது.
அரசு, தமிழ் ராக்கர்ஸ் இணையதளத்துக்கு தடை விதித்திருந்தும் தொடர்ந்து புதுப்படங்களை ஆன்லைனில் வெளியிட்டு வருகிறது. இதனால், படக்குழுவினர் பெரும் அதிர்ச்சியடைந்துள்ளனர்.