பண்ணை வீட்டில் குதிரையுடன் சல்மான் கான்.
ஹைலைட்ஸ்
- ஊரடங்கு நாட்களில் பிரபலங்கள் அதிக வீடியோக்களை வெளியிட்டு வருகின்றனர்
- நடிகர் சல்மான் கான் பண்ணை வீட்டிற்கு சென்றுள்ளார்
- குதிரையுடன் சேர்ந்து சல்மான் கான் புல் சாப்பிடும் காட்சி வைரலாகியுள்ளது
குதிரையுடன் சேர்ந்து புல்லை பிரபல நடிகர் சல்மான் கான் சாப்பிடும் வீடியோ இணையத்தில் வைரலாகி வருகிறது.
கொரோனாவை கட்டுப்படுத்த நாடு முழுவதும் ஊரடங்கு போடப்பட்டுள்ளது. இதனால் ஒட்டுமொத்த திரையுலகமே முடங்கிப்போயுள்ளது. இந்த சூழலில், பிரபல நடிகர், நடிகைகள் தாங்கள் எப்படி பொழுதை கழிக்கின்றனர் என்பது குறித்த வீடியோக்களை பதிவிட்டு வருகின்றன. இவை இணையத்தில் வைரலாகின்றன.
நடிகர் சல்மான் தற்போது பன்வேல் பண்ணை வீட்டில் தங்கியுள்ளார். அங்கு ஏராளமான குதிரைகள் உள்ளன. இந்த நிலையில் இன்று காலை குதிரைக்கும் உணவளித்த சல்மான் கான், குதிரையுடன் சேர்ந்து தானும் புல்லை சாப்பிட்டார். இந்த வீடியோ லைக்ஸ்களை குவித்து வருகிறது.
வீடியோவுக்கு கமென்ட் செய்துள்ள அவரது ரசிகர்கள், 'நெருக்கடியான நேரத்தில் சத்தான உணவை சாப்பிடுகிறீர்கள்', 'இணையத்தில் இன்று இதுதான் மிக அழகான வீடியோ' என்று கூறியுள்ளனர்.
ஊரடங்கையொட்டி, சல்மான் கான் பண்ணை வீட்டுக்கு மாறியுள்ளார். சமீபத்தில் அவர் ஆளே இல்லாத மசூதி, மயானத்தின் புகைப்படங்களை வெளியிட்டு, 'பிரச்சினையைப் புரிந்து கொண்டு வீட்டில் இருப்பவர்களுக்கு நன்றி. இறைவன் அனைவரையும் பாதுகாப்பானாக' என்று பதிவிட்டிருந்தார்.
அதற்கு முன்பு அவர் வெளியிட்ட பதிவில், 'நான் எனது தந்தையை நேரில் பார்த்து 3 வாரங்கள் ஆகிறது. நாங்கள் பண்ணை வீட்டில் இருக்கிறோம். அவர் வீட்டில் தனியாக உள்ளார்' என்று கூறியிருந்தார். இந்தப் பதிவை அவர் வெளியிடும்போது அவரது அண்ணன் மகன் நிர்வான் உடன் இருந்தார்.
சல்மான் கான் தற்போது ராதே, கபி ஈத் கபி திவாலி ஆகிய படங்களில் நடித்து வருகிறார்.