சரவெடிகளுக்குத் தடை விதிக்கப்பட்டுள்ளது
உச்ச நீதிமன்றம், ‘பண்டிகளைகளின் போது குறைந்த மாசு ஏற்படுத்தும், குறைந்த சத்தம் தரும் பட்டாசுகள் மட்டுமே வெடிக்கப்பட வேண்டும்' என்று இன்று தீர்ப்பளித்துள்ளது. மேலும், ‘தீபாவளியன்று இரவு 8 மணி முதல் 10 மணி வரை மட்டும் தான், பட்டாசு வெடிக்க வேண்டும். அதேபோல கிறிஸ்துமஸ் மற்றும் புத்தாண்டின் போது இரவு 11:55 மணி முதல் 12:30 வரை பட்டாசு வெடிக்கலாம்' என்றும் தீர்ப்பில் தெரிவித்துள்ளது. உரிமம் வாங்கியுள்ள விற்பனையாளர்கள் மூலம் மட்டுமே பட்டாசு விற்கப்பட வேண்டும் என்றும், இணையம் வாயிலாக பட்டாசு விற்பனை செய்யப்படக் கூடாது என்றும் உச்ச நீதிமன்றம் தீர்ப்பில் சுட்டிக் காட்டியுள்ளது.
தீர்ப்பில் கூறிய முக்கிய 5 விஷயங்கள்:
- குறைந்த சத்தம் தரும் பட்டாசுகள் மட்டுமே உற்பத்தி செய்து விற்பனை செய்யப்பட வேண்டும்.
- சரவெடிகளுக்குத் தடை விதிக்கப்பட்டுள்ளது.
- உரிமம் வாங்கியுள்ள விற்பனையாளர்கள் மூலம் மட்டுமே பட்டாசு விற்கப்பட வேண்டும்
- ஜூலை 2005 ஆம் ஆண்டு தீர்ப்பில் தெரிவிக்கப்பட்டுள்ள சத்த அளவுள்ள பட்டாசுகள் மட்டுமே வெடிக்க அனுமதிக்கப்படும்.
- தீபாவளியன்று இரவு 8 மணி முதல் 10 மணி வரை மட்டும் தான், பட்டாசு வெடிக்க வேண்டும். அதேபோல கிறிஸ்துமஸ் மற்றும் புத்தாண்டின் போது இரவு 11:55 மணி முதல் 12:30 வரை பட்டாசு வெடிக்கலாம்.