தமிழ்நாடு சீருடை பணியாளர் தேர்வுக் குழுமம் நடத்தும் (TNUSRB) சப் இன்ஸ்பெக்டர் (டெக்னிக்கல்) தேர்வுக்கான ஹால் டிக்கெட்டுகள் ஆன்லைனில் வெளியிடப்பட்டுள்ளன. இதனை tnusrbonline.org என்ற இணைய தளத்தில் பதிவிறக்கம் செய்து கொள்ளலாம் என அறிவிக்கப்பட்டுள்ளது.
இந்த தேர்வு 3 மணி நேரம் நடைபெறும். வெற்றி பெறுவதற்கான குறைந்தபட்ச மதிப்பெண் 28-ஆக நிர்ணயிக்கப்பட்டுள்ளது. கொள்குறி (OBJECTIVE) வகையிலான 160 கேள்விகள் இதில் இடம்பெறும்.
எழுத்துத் தேர்வில் மொத்தம் 80 மதிப்பெண்கள் வழங்கப்படுகின்றன. இவற்றில் 30 மதிப்பெண்கள் பொது அறிவு பகுதியாகும். மீதமுள்ள 50 மதிப்பெண்கள் டெக்னிக்கல் பகுதியில் இருந்து கேட்கப்படும்.
கல்வி தகுதிக்கு 5 மதிப்பெண்கள் வழங்கப்படுகிறது.
VIVA VOCE தேர்வுக்கு 10 மதிப்பெண்கள் வழங்கப்படும். என்.சி.சி., என்.எஸ்.எஸ்., விளையாட்டுப் பிரிவில் சாதனை படைத்தவர்களுக்கு 5 மதிப்பெண்கள் கூடுதலாக வழங்கப்படும்.
தேர்வு முடிந்தபின்னர் முதல்கட்ட தேர்வுக்கான விடையை TNUSRB வெளியிடும். இதில் ஏதும் ஆட்சேபனைகள் இருந்தால் போட்டியாளர்கள் அடுத்த 7 நாட்களுக்குள் தெரிவிக்கலாம்.
மொத்தம் 309 காலிப்பணியிடங்களுக்காக இந்த தேர்வு நடத்தப்படுகிறது. இதற்கான ஆன்லைன் பதிவுகள் கடந்த ஜூலை – ஆகஸ்டில் நிறைவு பெற்றன.