நாடு முழுவதும் சமீபத்தில் ஈத் பண்டிகை கொண்டாடப்பட்ட நிலையில், தனது குடும்பத்தினருடன் ஈத் கொண்டாட ஜம்மு-காஷ்மீர் சென்ற ஒரு ராணுவ வீரர் நேற்று முதல் காணவில்லை என்று ராணுவம் தெரிவித்துள்ளது. 162 பட்டாலியன் படை பிரிவை சேர்ந்த ரைபிள்மேன் ஷாகிர் மன்சூர் நேற்று மாலை 5 மணி முதல் காணவில்லை என்றும் அவர் பயங்கரவாதிகளால் கடத்தப்பட்டிருக்கலாம் என்று சந்தேகிக்கப்படுகிறது என்று ராணுவம் தெரிவித்துள்ளது.
“162 பட்டாலியன் படை பிரிவை சேர்ந்த ரைபிள்மேன் ஷாகிர் மன்சூர் நேற்று மாலை 5 மணி முதல் காணவில்லை. அவரின் கார் எரிந்த நிலையில் குல்கம் அருகே கண்டுபிடிக்கப்பட்டுள்ளது. அவர் பயங்கரவாதிகளால் கடத்தப்பட்டதாக சந்தேகிக்கப்படுகிறது. தேடல் தொடர்கிறது.” என #TerrorismFreeKashmir என்ற ஹேஷ்டேக்கின் கீழ் ராணுவம் ட்வீட் செய்துள்ளது.
மன்சூருக்கு சொந்தமான எரிந்த கார் குல்கம் மாவட்டத்தின் ரம்பாமா பகுதியில் இருந்து கண்டுபிடிக்கப்பட்டுள்ளது.