ஜெ., இல்லத்தை நினைவு இல்லமாக்குவதை எதிர்த்து வழக்கு: உயர்நீதிமன்றம் தள்ளுபடி
ஜெயலலிதாவின் போயஸ் தோட்டத்து இல்லத்தை நினைவு இல்லமாக மாற்றும் நடவடிக்கையை எதிர்த்துத் தொடரப்பட்ட வழக்கை சென்னை உயர் நீதிமன்றம் தள்ளுபடி செய்து உத்தரவிட்டது.
மறைந்த முதல்வரின் காலத்தில் இருந்ததைப் போலவே அசையாச் சொத்தை மட்டுமல்லாமல், செய்யக்கூடிய அசைவுகளையும் அரசாங்கம் கையகப்படுத்தும் என அட்வகேட் ஜெனரல் விஜய் நாராயண் நீதிபதி ஆனந்த் வெங்கடேஷ் முன் சமர்ப்பித்தார். முதலமைச்சராக இருந்த ஜெயலலிதா, வாழ்ந்த இல்லத்தை அரசு நினைவு இல்லமாக மாற்றுவதற்காக, கையப்படுத்தும் நடவடிக்கையை மேற்கொண்டு வருகிறது. இதற்கு எதிர்ப்பு தெரிவித்துதான் அந்த குடியிருப்பு வாசிகள் நேற்று உயர் நீதிமன்றத்தில் வழக்கு தொடுத்திருந்தனர்.
அந்த மனுவில் ஜெயலலிதா வாழ்ந்த இல்லத்தை நினைவு இல்லமாக மாற்றப்பட்டால், அங்கு போக்குவரத்து நெரிசல் ஏற்படும், இதனால் தங்களுக்கு பாதிப்புகள் ஏற்படும் என கூறியுள்ளனர். இதற்கு பதிலளித்த அரசு, ஏற்கனவே உயர் நீதிமன்ற உத்தரவின்படிதான், வேதா இல்லத்தை நினைவு இல்லமாக மாற்ற நடவடிக்கை மேற்கொள்ளப்பட்டதாக தெரிவித்தனர்.
இதைத்தொடர்ந்து, தற்போதைய நிலையில் முன் கூட்டியே இந்த வழக்குத் தொடரப்பட்டுள்ளது. இந்த வழக்கு விசாரணைக்கு உகந்ததல்ல. அச்சத்தின் அடிப்படையிலேயே இந்த வழக்குத் தாக்கல் செய்யப்பட்டுள்ளது. தற்போதைய நிலையில் கையகப்படுத்தும் நடவடிக்கைகளில் தலையிட எந்தக் காரணமும் இல்லை” என்று வாதிட்டார்.
இருதரப்பு வாதங்களையும் பதிவு செய்த நீதிபதி ஆனந்த் வெங்கடேஷ், ''தற்போதைய நிலையில் கையகப்படுத்தும் நடவடிக்கையில் தலையிட எந்தக் காரணமும் இல்லை.
மனுதாரர் கூறுவதுபோல இதில் எந்தப் பொது நலனும் சம்பந்தப்படவில்லை. ஏராளமான மக்கள் வருகை தருவர். இடையூறு தருவர் என்பதே மனுதாரர் சங்கத்தின் அச்சமாக உள்ளது.