ஆசிரியர் தேர்வு வாரியம் அறிவிப்பை வெளியிட்டுள்ளது
முதல் தாள் 08.06.2019 சனிக்கிழமை அன்று முதல் தாளும், 09.06.2019 ஞாயிறு அன்று 2-ம்தாளும் நடைபெறுகிறது. இந்த 2 தேர்வுகளும் காலை 10 மணிக்கு தொடங்கி மதியம் 1 மணி வரை நடைபெறும் என அறிவிக்கப்பட்டுள்ளது. இந்த அறிவிப்பை ஆசிரியர் தேர்வு வாரியம் அறிவித்திருக்கிறது.
ஒன்று முதல் 8-ம் வகுப்பு வரை பயிலும் மாணவர்களுக்கு பயிற்றுவிக்கும் ஆசிரியர்கள் டெட் தேர்வில் தேர்ச்சி பெறுவது கட்டாயம். இந்த அடிப்படையில் தேர்வுகள் நடத்தப்படுகின்றன.
டெட் தேர்வில் முதல் தாள் என்பது, ஒன்று முதல் 5-ம் வகுப்பு வரையிலும், 2-ம் தாள் என்பது 6 முதல் 8-ம் வகுப்பு வரைக்குமானதாக இருக்கும்.
கடந்த முறை நடைபெற்ற தேர்வில் தோல்வியடைந்த சுமார் 1,500-க்கும் மேற்பட்ட ஆசிரியர்களுக்கு ஊதியத்தை அரசு நிறுத்தி வைத்திருக்கிறது. இந்த நிலையில் டெட் தேர்வுக்கான தேதி அறிவிக்கப்பட்டுள்ளது.