டி.என்.பி.எஸ்.சி. (TNPSC) நடத்தும் சிவில் நீதிபதிகள் தேர்வு நவம்பர் 24-ம்தேதி நடைபெறும் என அறிவிக்கப்பட்டுள்ளது. மொத்தம் 176 காலிப் பணியிடங்களுக்கு இந்த தேர்வு நடத்தப்பட உள்ளது.
நவம்பரில் நடைபெறும் தேர்வில் வெற்றி பெறுபவர்கள் அடுத்ததாக மார்ச் 2020-ல் நடைபெறும் அடுத்தகட்ட தேர்வை எழுத வேண்டும்.
முதல்கட்டமாக நவம்பர் 24-ம்தேதி நடத்தப்படும் தேர்வில் 100 கேள்விகள் இடம்பெறும். Multiple Choise Questions அடிப்படையில் ஆங்கிலம் மற்றும் தமிழில் இந்த வினாத்தாள் அமைந்திருக்கும். தேர்வில் தேர்ச்சி பெற குறைந்தது 40 மதிப்பெண்களை பெற வேண்டும். எஸ்.சி., எஸ்.சி - ஏ., எஸ்.டி. பிரிவினருக்கு 30 மதிப்பெண்களும், MBC, DC, BC (OBCM), BCM) பிரிவினருக்கு 35 மதிப்பெண்களும் தேர்ச்சிக்கு நிர்ணயிக்கப்பட்டுள்ளது.
கடந்த செப்டம்பர் மாதம் சிவில் நீதிபதிகள் தேர்வுக்கான அறிவிப்பு வெளியானது. இந்த தேர்வை எழுதுவதற்கு சட்டப்படிப்பு முடித்ததுடன், 3 ஆண்டுகள் வழக்கறிஞராக பயிற்சி பெற்றிருக்க வேண்டும் என்பது விதியாக வைக்கப்பட்டுள்ளது.