விமான நிலையத்திலேயே சிறை வைக்கப்பட்ட திரிணாமூல் கட்சியினர்… அசாமில் பரபர!

அசாம் மாநிலத்தில் சில நாட்களுக்கு முன்னர் இறுதி குடியுரிமை வரைவு வெளியிடப்பட்டது. இந்த வரைவு பட்டியல் வெளியிடப்பட்டதை அடுத்து, சுமார் 40 லட்சம் பேருக்கு குடியுரிமை இல்லாத நிலைமை உருவாகியுள்ளது. அவர்கள் தகுந்த ஆவணங்கள் சமர்பிக்கவில்லை என்றால், மாநிலத்திலிருந்து வெளியேற்றப்பட்டுவர் என்று தெரிகிறது. அசாமில் 1951 ஆம் ஆண்டுக்குப் பிறகு இப்போது தான் தேசிய குடிமக்கள் பதிவில் மாற்றம் ஏற்படுத்தப்பட்டுள்ளது. வங்க தேசத்திலிருந்து வந்து தங்கியுள்ள முஸ்லிம் அகதிகளை குறிவைக்கும் நோக்கில் தான் இந்த நடவடிக்கை எடுக்கப்பட்டுள்ளதாக விமர்சிக்கப்பட்டு வருகறிது. இதை எதிர்த்து பிரசாரம் செய்யத்தான் திரிணாமூல் காங்கிரஸைச் சேர்ந்த 8 பேர் கொண்ட குழு அசாமிற்கு விரைந்தது. 

இந்நிலையில் அசாம் விமானநிலையத்தில் தடுத்து நிறுத்தப்பட்டு சிறை வைக்கப்பட்டது குறித்து திரிணாமூல் எம்.பி ஓபிரெய்ன், ‘எங்கள் கட்சியினர் பலவந்தமாக சிறை வைக்கப்பட்டுள்ளனர். என்ன நடக்கிறது நாட்டில்?’ என்று கொதித்துள்ளார்.

மம்தா பானர்ஜியோ, ‘இது முடிவின் ஆரம்பம். பாஜக-வினர் மிகவும் அதிகமான அழுத்தத்தில் இருக்கின்றனர். அதனால்தான் தற்போது பலவந்தமான நடவடிக்கைகளில் இறங்கியுள்ளனர்’ என்று குற்றம் சாட்டியுள்ளார்.