மத்திய அமைச்சரவையில் யாருக்கு எந்த துறை..?- முழு பட்டியல் உள்ளே

அமித்ஷாவுக்கு உள்துறை அமைச்சகமும், ராஜ்நாத் சிங்கிற்கு பாதுகாப்புத்துறையும், நிதின் கட்கரிக்கு மீண்டும் சாலை மற்றும் போக்குவரத்துத்துறை ஒதுக்கீடு செய்யப்பட்டுள்ளது

Cabinet Minister Portfolios: பிரதமர் நரேந்திர மோடி தலைமையிலான புதிய அமைச்சரவையில், இடம்பெற்றுள்ள அமைச்சர்களுக்கு இலாகாக்கள் ஒதுக்கீடு செய்யப்பட்டுள்ளது. இதில், அமித்ஷாவுக்கு உள்துறை அமைச்சகமும், ராஜ்நாத் சிங்கிற்கு பாதுகாப்புத்துறையும், நிதின் கட்கரிக்கு மீண்டும் சாலை மற்றும் போக்குவரத்துத்துறை ஒதுக்கீடு செய்யப்பட்டுள்ளது. பாதுகாப்புத்துறை அமைச்சராக இருந்த நிர்மலா சீதாராமனுக்கு நிதித்துறை அமைச்சகம் ஒதுக்கப்பட்டுள்ளது. ஸ்மிர்தி இரானிக்கு பெண்கள் மற்றும் குழந்தைகள் மேம்பாட்டுத் துறை அமைச்சகம் ஒதுக்கப்படுள்ளது. மத்திய வெளியுறவுத் துறை அமைச்சராக ஜெயசங்கர் நியமிக்கப்பட்டுள்ளார். ராம்விலாஸ் பஸ்வானுக்கு நுகர்வோர் விவகாரம், உணவு மற்றும் பொது விநியோக அமைச்சகம் ஒதுக்கீடு செய்யப்பட்டுள்ளது. பிரதமர் மோடி வசம் அணுசக்தி, விண்வெளி, ஒய்வூதியம் மற்றும் அமைச்சர்களுக்கு ஒதுக்கப்படாத துறைகள் உள்ளன. 

கேபினட்டில் இடம் பெற்றுள்ள அமைச்சர்களில் இலாகா விவரம்:

1.பிரதமர் நரேந்திர மோடி - அணுசக்தித் துறை, விண்வெளித் துறை, பொதுக் குறைகள் மற்றும் ஓய்வூதியத் அமைச்சர்.

2.ராஜ்நாத் சிங்- ராணுவத் துறை அமைச்சர்

3.அமித்ஷா- உள்துறை அமைச்சர்

4.நிதின் கட்கரி - சாலை போக்குவரத்து மற்றும் நெடுஞ்சாலைத் துறை அமைச்சர்; மற்றும் சிறு, குறு மற்றும் நடுத்தர நிறுவனங்கள் அமைச்சர்

5.டி.வி.சதானந்த கவுடா- இராசயனங்கள் மற்றும் உரங்கள் துறை அமைச்சர்

6.நிர்மலா சீதாராமன்- நிதி அமைச்சர் மற்றும் கார்ப்பொரேட் விவகாரங்கள் அமைச்சர்

7.ராம்விலாஸ் பஸ்வான்- நுகர்வோர் விவகாரங்கள், உணவு மற்றும் பொது விநியோகத் துறை அமைச்சர்

8.நரேந்திர சிங் தோமர்- விவசாயம் மற்றும் விவசாயிகள் நலன் அமைச்சர்; கிராமப்புற வளர்ச்சி அமைச்சர் மற்றும் பஞ்சாயத்து ராஜ் அமைச்சர்

9.ரவிஷங்கர் பிரசாத்- சட்டம் மற்றும் நீதி அமைச்சர்; கம்யூனிகேஷன்ஸ் அமைச்சர்; மற்றும் மின்னணு மற்றும் தகவல் தொடர்பு அமைச்சர்

10.ஹர்சிம்ரத் கவுர் பாதல்- உணவு பதப்படுத்துதல் நிறுவனங்கள் அமைச்சர்

11.தாவர் சந்த் கெலோட்- சமூக நீதி அமைச்சர்

12.சுப்ரமணியம் ஜெய்ஷங்கர்- வெளியவுறவுத் துறை அமைச்சர்

13.ரமேஷ் போக்ரியல் ‘நிஷாங்க்'- மனிதவள மேம்பாட்டுத் துறை அமைச்சர்

14.அர்ஜுன் முண்டா- பழங்குடியின விவகாரங்கள் அமைச்சர்

15.ஸ்மிருதி இரானி- பெண்கள் மற்றும் குழந்தைகள் மேம்பாட்டுத் துறை அமைச்சர் மற்றும் ஜவுளித் துறை அமைச்சர்

16.ஹர்ஷ் வர்தன்- சுகாதாரம் மற்றும் குடும்பநல அமைச்சர்; அறிவியல் மற்றும் தொழில்நுட்பத் துறை அமைச்சர் மற்றும் புவி அறிவியல் துறை அமைச்சர்.

17.பிரகாஷ் ஜவடேகர்- சுற்றுச்சூழல், வனங்கள் மற்றும் பருவநிலை மாற்றத் துறை அமைச்சர்; மற்றும் தகவல் மற்றும் ஒளிபரப்புத் துறை அமைச்சர்

18.பியூஷ் கோயல்- ரயில்வே துறை அமைச்சர்; மற்றும் வர்த்தகம் மற்றும் தொழில் துறை அமைச்சர்

19.தர்மேந்திர பிரதான்- பெட்ரோலியம் மற்றும் இயற்கை எரிவாயுத் துறை அமைச்சர்; மற்றும் எஃகு துறை அமைச்சர்

20.முக்தர் அப்பாஸ் நக்வி- சிறுபான்மையினர் விவகாரங்கள் துறை அமைச்சர்

21.பிரலஹத் ஜோஷி- நாடாளுமன்ற விவகாரங்கள் துறை அமைச்சர், நிலக்கரித் துறை அமைச்சர் மற்றும் சுரங்கங்கள் துறை அமைச்சர்

22.மகேந்திர நாத் பாண்டே- திறன் வளர்ப்பு மற்றும் தொழில்முனைவோர் துறை அமைச்சர்  

23.அரவிந்த் கண்பத் சாவந்த்- கனரக தொழிற்சாலைகள் மற்றும் பொது நிறுவனங்கள் துறை அமைச்சர்

24.கிரிராஜ் சிங்- கால்நடை பராமரிப்பு, பால்வளம் மற்றும் மீன்வளர்ப்புத் துறை அமைச்சர்

25.கஜேந்திர சிங் ஷேகாவத்- ஜல் சக்தித் துறை அமைச்சர்