"இந்த வைரஸை 12 முதல் 14 மணி நேரம் வரை கட்டுப்படுத்த வேண்டும்" என்று ரஜினிகாந்த் கூறியிருந்தார்.
பிரதமர் நரேந்திர மோடியின் '' ஜனதா ஊரடங்கு உத்தரவு '' என்ற அழைப்பை ஆதரித்து நடிகர் ரஜினிகாந்த் வெளியிட்ட பதிவானது, தவறான தகவல்களின் புகார்களின் பேரில் ட்விட்டரால் நீக்கப்பட்டுள்ளது.
இந்த வைரஸ் இந்தியாவில் அதன் இரண்டாம் கட்டத்தில் இருப்பதாக 69 வயதான நடிகர் ரஜினிகாந்த் ட்வீட் செய்திருந்தார், மேலும் நாடு மூன்றாம் கட்டத்திற்குச் செல்வதைத் தடுக்க வீட்டுக்குள்ளேயே இருக்குமாறு மக்களைக் கேட்டுக்கொண்டார். மேலும், சமூக பரவல் மூலம் வைரஸ் பரவுகிறது என்றும் குறிப்பிட்டிருந்தார்.
14 மணி நேர சமூக தூரத்தினால் பரிமாற்ற சங்கிலி உடைக்கப்படலாம் என்று அவர் கூறியிருந்தார்.
"சமூகம் பரவலைத் தடுக்க, 12 முதல் 14 மணிநேரம் வரை வைரஸைக் கட்டுப்படுத்த வேண்டும்" என்று ரஜினிகாந்த் வீடியோ செய்தியில் தெரிவித்திருந்தார்.
மேலும், "மார்ச் 22 ஆம் தேதி பிரதமர் மக்கள் ஊரடங்கு உத்தரவுக்கு அழைப்பு விடுத்ததிருந்த நிலையில், நாட்டில் கொரோனா வைரஸின் முக்கிய நிலையான 3 கட்ட சமூக பரவலைத் தவிர்க்க இந்தியா தயாராகி வருகிறது. இத்தாலி 3 ஆம் கட்டத்தைத் தடுக்க இதேபோன்ற நாடு தழுவிய ஊரடங்கு உத்தரவை அமல்படுத்த முயன்றது, ஆனால் குடிமக்களின் ஆதரவு இல்லாததால், முயற்சிகள் தோல்வியடைந்தன, இதன் விளைவாகத் தொற்றுநோயால் ஆயிரக்கணக்கான மக்கள் இறந்தனர், "என்று அவர் கூறியிருந்தார்.
"இந்தியாவில் இதுபோன்ற ஒரு நெருக்கடியை நாங்கள் விரும்பவில்லை, எல்லோரும் இந்த சந்தர்ப்பத்தில் மக்கள் ஊரடங்கு உத்தரவில் பங்கேற்க வேண்டும் என்று நான் கேட்டுக்கொள்கிறேன். ஞாயிறு மாலை 5 மணிக்கு நாடு தழுவிய மக்கள் ஊரடங்கு மூலம் நோய்த் தொற்றினை கட்டுப்படுத்தலாம். மேலும், அனைத்து மருத்துவர்கள், செவிலியர்கள் மற்றும் மருத்துவ பணியாளர்களை ஊக்கப்படுத்தலாம் " என்றும் குறிப்பிட்டிருந்தார்.
பலர் இந்த இடுகையை விமர்சித்து, 14 மணி நேரம் வீட்டில் தங்கியிருப்பது, இந்தியாவில் 3 ஆம் கட்டத்திற்குள் நுழைவதைத் தொற்றுநோயைத் தடுப்பது எப்படி என்று கேள்வி எழுப்பினர்.
இந்த நிலையில் அவரது ட்விட்டர் காலவரிசையில் "இந்த ட்வீட் ட்விட்டர் விதிகளை மீறியதால் இனி கிடைக்காது. மேலும் அறிக." என்று குறிப்பிடப்பட்டிருக்கின்றது.
இருப்பினும் வீடியோவுக்கான ரஜினிகாந்த்தின் யூடியூப் இணைப்பு இன்னும் கிடைக்கிறது.
நடிகர்-அரசியல்வாதி கமல்ஹாசன் வைரஸ் பரவுவதைத் தடுக்க சமூக விலகலைப் பின்பற்ற மக்களை ஊக்குவிக்கும் வீடியோவையும் வெளியிட்டார், மேலும் பெரிய கூட்டங்களில் பங்கேற்க வேண்டாம் என்று மக்களிடம் வேண்டுகோள் விடுத்தார்.
"அதைப் பின்பற்றுவதன் மூலம், உங்களையும் உங்கள் அன்பர்களையும் பாதிக்காதபடி வைரஸைத் தடுக்கிறீர்கள்" என்று மக்கள் நீதி மயம் தலைவர் வீடியோ செய்தியில் தெரிவித்துள்ளார். மேலும், "வீட்டிற்குள் இருங்கள், நீங்கள் குடும்பத்துடன் நேரத்தைச் செலவிடுவதை உறுதிசெய்து பொறுப்பாக இருக்க முயற்சி செய்யுங்கள். சமூக தூரத்தைப் பராமரிக்கவும் பாதுகாப்பாக இருக்கவும்" என்றும் அவர் குறிப்பிட்டிருந்தார்.