“6 மணிக்கு முன்னர் சபாநாயகரை சந்தியுங்கள்!”- கர்நாடக அதிருப்தி எம்.எல்.ஏ-க்களுக்கு உத்தரவு

கர்நாடக மாநிலத்தில் உள்ள 10 எம்.எல்.ஏ-க்கள், தங்களது பதவியை ராஜினாமா செய்வதாக சட்டசபை சபாநாயகர் இடத்தில் கடிதம் அளித்திருந்தனர். அந்தக் கடிதம் ஏற்றுக் கொள்ளப்படவில்லை என்று கூறி, அவர்கள் உச்ச நீதிமன்றத்தில் வழக்கு தொடர்ந்தனர். மாநிலத்தில் ஆட்சியில் இருக்கும் காங்கிரஸ் - மதச்சார்பற்ற ஜனதா தளத்தின் கூட்டணி அரசைக் காப்பாற்றவே, சபாநாயகர், ராஜினாமாவை ஏற்கவில்லை என்று அதிருப்தி எம்.எல்.ஏ-க்கள் குற்றம் சாட்டியிருந்தனர். அதைத் தொடர்ந்துதான், இந்த விவகாரம் தொடர்பான வழக்கில், சபாநாயகர் முன்னர், எம்.எல்.ஏ-க்கள் ஆஜராகுமாறு உச்ச நீதிமன்றம் உத்தரவிட்டுள்ளது.